കോഴിക്കോട്: പാലക്കാട്ടെ ഇരട്ടക്കൊലപാതങ്ങളുടെ പശ്ചാത്തലത്തിൽ കോഴിക്കോടും സുരക്ഷ കർശനമാക്കിയെന്ന് സിറ്റി പൊലീസ് മേധാവി എ.അക്ബർ. വാഹന പരിശോധന തുടങ്ങിയിട്ടുണ്ടെന്നും സാമൂഹിക മാധ്യമങ്ങൾ നിരീക്ഷണത്തിലാണെന്നും അദ്ദേഹം മീഡിയവണിനോട് പറഞ്ഞു.
'ലഹരിവില്പനയും കടത്തും തടയാൻ 18 മുതൽ പ്രത്യേക ഡ്രൈവ് നടത്തും. സമാന്തര ടെലഫോൺ എക്സചേഞ്ച് - ഗൗരവമുള്ള കേസായി പരിഗണിച്ച് അന്വേഷിക്കുമെന്നും കമ്മീഷണർ പറഞ്ഞു. 'പൊലീസുകാരിൽ നിന്ന് നിർബന്ധ പിരിവുണ്ടാകില്ല.മുതലക്കുളത്തെ ക്ഷേത്രത്തിനായി നിർബന്ധ പിരിവ് നടത്തില്ലെന്നും അദ്ദേഹം പറഞ്ഞു. ക്ഷേത്രത്തിനായി പിരിവ് നടത്തില്ലെന്ന് റൂറല് എസ് പി എ ശ്രീനിവാസും നേരത്തെ പറഞ്ഞിരുന്നു.
കഴിഞ്ഞ ദിവസമാണ് എ.അക്ബർ കോഴിക്കോട് സിറ്റി പൊലീസ് മേധാവിയായി ചുമതലയേറ്റത്. എ.വി ജോർജ് വിരമിച്ച ഒഴിവിലാണ് അദ്ദേഹം ചുമതലയേറ്റത്.