Writer - രാഗേന്ദു പി.ആർ
Web Journalist
കാലടിയില്‍ കെഎസ്‌യു പ്രവര്‍ത്തകന്റെ വീട് ആക്രമിച്ച് ഡിവൈഎഫ്‌ഐ-എസ്എഫ്‌ഐ പ്രവര്‍ത്തകര്‍
കെഎസ്‌യു പ്രവര്‍ത്തകന്‍ അനിസന്‍ ജോയിയുടെ വീടാണ് ആക്രമിച്ചത്
Update: 2026-10-02 03:04 GMT
കൊച്ചി: കാലടിയില്‍ കെഎസ്‌യു പ്രവര്‍ത്തകന്‍ അനിസന്‍ ജോയിയുടെ വീട് ആക്രമിച്ച് ഡിവൈഎഫ്‌ഐ-എസ്എഫ്‌ഐ പ്രവര്‍ത്തകര്‍. തിരുവനന്തപുരത്തെ യൂത്ത് കോണ്‍ഗ്രസ്-എസ്എഫ്‌ഐ സംഘര്‍ഷത്തിന് പിന്നാലെയാണ് എറണാകുളം ജില്ലയിലും അനിഷ്ട സംഭവങ്ങള്‍ ഉണ്ടായത്.
ആക്രമണത്തില്‍ അനിസന്‍ ജോയിയുടെ മാതാപിതാക്കള്‍ക്ക് സാരമായി പരിക്കേറ്റു. പ്രതിഷേധ പ്രകടനത്തിനിടയിലായിരുന്നു ആക്രമണം. നാല് 4 എസ്എഫ്‌ഐ പ്രവര്‍ത്തകര്‍ക്കും പരിക്കുണ്ട്.
മഹാരാജാസ് കോളജിലേക്ക് നടത്തിയ യൂത്ത് കോണ്‍ഗ്രസ് മാര്‍ച്ചിലും സംഘര്‍ഷം ഉണ്ടായി. മാര്‍ച്ച് കോളജ് കവാടത്തിന് സമീപം പൊലീസ് തടയുകയായിരുന്നു. മുഖ്യമന്ത്രിയുടെ ഏഴ് പൊതുപരിപാടികള്‍ ഇന്ന് ജില്ലയില്‍ നടക്കാനിരിക്കെ പൊലീസ് സുരക്ഷ ശക്തമാക്കിയിട്ടുണ്ട്.