'എന്നെയും പറ്റിച്ചു, ഓഫർ തട്ടിപ്പിൽ പണം പോയവർക്ക് തിരിച്ചുകിട്ടുന്നത് വരെ കൂടെയുണ്ടാകും': നജീബ് കാന്തപുരം എംഎൽഎ

പെരിന്തല്‍മണ്ണ: താനും ഓഫർ തട്ടിപ്പിന്റെ ഇരയെന്ന് നജീബ് കാന്തപുരം എംഎൽഎ.

'എൻജിഒ കോൺഫെഡറേഷന്റെ ഒരു യോഗത്തിലും താൻ പങ്കെടുത്തിട്ടില്ല. ഡിജിപിക്കും മുഖ്യമന്ത്രിക്കും പരാതി നൽകിയെന്നും'- നജീബ് കാന്തപുരം പറഞ്ഞു.

' സാധാരണക്കാരായ ആയിരക്കണക്കിന് ജനങ്ങൾ പറ്റിക്കപ്പെട്ടിരിക്കുകയാണ്. അവരുടെ പരിപാടികളിൽ എംഎൽഎമാരും മന്ത്രിമാരും പങ്കെടുത്തിട്ടുണ്ട്. അവർ കുറ്റവാളികൾ ആണെന്ന് അറിഞ്ഞുകൊണ്ടല്ല പങ്കെടുത്തത്. പെരിന്തൽമണ്ണയിൽ മുദ്ര എന്താണ് ചെയ്യുന്നത് എന്ന് അവിടെ വന്ന് അന്വേഷിക്കാം. ആനന്ദകുമാർ ആണ് ഞങ്ങളോട് ഈ വിഷയത്തെ കുറിച്ച് പറഞ്ഞത്'- എംഎല്‍എ പറഞ്ഞു. 

സന്നദ്ധസംഘടനയായ മുദ്രയിലൂടെ ഗുണഭോക്താക്കളെ കണ്ടെത്തി നൽകിയെന്ന് നജീബ് കാന്തപുരത്തിനെതിരെ ആരോപണമുയർന്നിരുന്നു. ഇതിന് പിന്നാലെയാണ് നജീബ് കാന്തപുരത്തിന്റെ വിശദീകരണം. 

Watch Video Report