നിർമാതാക്കൾക്കെതിരെയുള്ള പരാതിയിൽ സാന്ദ്ര തോമസിന്റെ മൊഴിയെടുത്ത് പൊലീസ്

കൊച്ചി: നിർമ്മാതാക്കളായ ബി.ഉണ്ണികൃഷ്ണനെതിരെയും ആന്റോ ജോസഫിനെതിരെയുമുള്ള പരാതിയിൽ സാന്ദ്ര തോമസിന്റെ മൊഴിയെടുത്തു. എറണാകുളം സെൻട്രൽ പൊലീസാണ് മൊഴി രേഖപ്പെടുത്തിയത്.

സിനിമയിൽ നിന്ന് മാറ്റിനിർത്തിയെന്നും പൊതുമധ്യത്തിൽ ഭീഷണിപ്പെടുത്തിയെന്നുമായിരുന്നു നിർമാതാവായ സാന്ദ്രയുടെ പരാതി. ഹേമ കമ്മറ്റിക്ക് മൊഴി നൽകിയതിൽ ഇരുവർക്കും തന്നോട് വൈരാഗ്യമുണ്ടെന്നും പരാതിയിൽ പറയുന്നു.