കൊല്ലം: ഇരവിപുരത്ത് സൈനികനെയും സഹോദരനെയും കട ഉടമയും കൂട്ടാളികളും ക്രൂരമായി മർദിച്ചു. ആയിരംതെങ്ങ് സ്വദേശികളായ അമീന് ഷാ, അമീര് ഷാ എന്നിവര്ക്കാണ് മര്ദനമേറ്റത്. സാധനം വാങ്ങുന്നതിനെ ചൊല്ലിയുണ്ടായ തര്ക്കമാണ് അക്രമത്തില് കലാശിച്ചത്. കഴിഞ്ഞ ഞായറാഴ്ച രാത്രി സഹോദരങ്ങൾ കൂട്ടിക്കടയിലുള്ള ശിഹാബുദ്ദീന്റെ കടയിൽ സാധനങ്ങൾ വാങ്ങാനെത്തി. സാധനത്തിന്റെ ഗുണനിലവാരത്തെ ചൊല്ലി ഉണ്ടായ തർക്കം സംഘം ചേർന്നുള്ള ആക്രമണത്തിൽ കലാശിച്ചു.
സൈനികന്റെ മുഖത്തും തലയ്ക്കു പൊട്ടലും ശരീരമാസകലം പരിക്കുമുണ്ട്. നിലത്തുവീണ അമീൻ ഷായെയും തടയാൻ എത്തിയ സഹോദരൻ അമീർ ഷായെയും ഇഷ്ടിക ഉൾപ്പടെ ഉപയോഗിച്ചാണ് 20 ലധികം വരുന്ന പ്രതികൾ മർദിച്ചത്.
പെട്രോളിംഗ് നടത്തിയ പൊലീസ് സംഘം എത്തിയാണ് സഹോദരങ്ങളെ ആശുപത്രിയിലേക്ക് മാറ്റിയത്. കേസിൽ കടയുടമ ശിഹാബുദ്ദീന്, മർദിച്ച മുഹമ്മദ് റാഫി എന്നിവരെ ഇരവിപുരം പൊലീസ് അറസ്റ്റ് ചെയ്തു. സൈന്യത്തിൽ പാരാമെഡിക്കൽ വിഭാഗത്തിൽ സിക്കിമിൽ ജോലി ചെയ്ത് വരികയായിരുന്നു അമീൻ ഷാ.