കൊല്ലത്ത് സി.പി.ഐ മണ്ഡലം കമ്മിറ്റി ഓഫീസിന് നേരേ കല്ലേറ്

കൊല്ലം: കൊല്ലം മുഖത്തലയിൽ സി.പി.ഐ മണ്ഡലം കമ്മിറ്റി ഓഫീസിന് നേരേ കല്ലേറ് . എസ്.എഫ്.ഐ- ഡി.വൈ.എഫ്.ഐ പ്രവർത്തകരാണ് കല്ലെറിഞ്ഞതെന്ന് സിപിഐ. ഓഫീസിന് നേരെ ഉണ്ടായ കല്ലേറിൽ രണ്ട് എ.ഐ.എസ്.എഫ് പ്രവർത്തകർക്ക്  പരിക്കേറ്റു.

സി.പി.ഐ നടത്തിയ പ്രതിഷേധ പ്രകടനത്തിനിടെ ഡി.വൈ.എഫ്.ഐയുടെ കൊടിമരങ്ങൾ നശിപ്പിച്ചു. കൊട്ടിയം എൻ.എസ്.എസ് കോളജിലെ എസ്.എഫ്.ഐ - എ.ഐ.എസ്.എഫ് തർക്കമാണ് ആക്രമണത്തിലേക്ക് നയിച്ചതെന്നും സി.പി.ഐ ആരോപിച്ചു. ആക്രമണത്തിൽ സി.പി.എം നേതൃത്വം മറുപടി പറയണമെന്ന് സി.പി.ഐ ജില്ലാ സെക്രട്ടറി പി. എസ് സുപാൽ എം.എൽ.എ പറഞ്ഞു. സ്ഥലത്ത് വൻ പൊലീസ് സംഘം ക്യാമ്പ് ചെയ്യുകയാണ്.