ജി.സുധാകരനെതിരെ മുഖ്യമന്ത്രി പറഞ്ഞത് സംസാരഭാഷയിലെ ഒരു പ്രയോഗം മാത്രം: തോമസ് ഐസക്

കൊച്ചി: ജി.സുധാകരനെതിരെ മുഖ്യമന്ത്രി പറഞ്ഞത് സംസാരഭാഷയിലെ ഒരു പ്രയോഗം മാത്രമാണെന്ന് സിപിഎം നേതാവ് ടി.എം തോമസ് ഐസക്. എംഎൽഎ ആവാൻ വേണ്ടി സുധാകരൻ 60 വർഷത്തെ ഭൂതകാലം റദ്ദാക്കി. ആശയപരമായ വ്യത്യാസങ്ങൾ പറയാൻ സുധാകരന് സാധിച്ചില്ലെന്നും തോമസ് ഐസക് പറഞ്ഞു.

പാലക്കാട് എൽഡിഎഫ് വിജയിക്കുമെന്ന് കോൺഗ്രസ് സമ്മതിക്കുന്നു. കോൺഗ്രസിന്റേത് കോലീബി ചരിത്രമാണ്. ഇഎംഎസിനെ തോൽപ്പിക്കാൻ തുടങ്ങിയ ബന്ധം എല്ലാ തെരഞ്ഞെടുപ്പിലും തുടരുകയാണ്.

പിഡിപി വർഷങ്ങളായി ഇടതുപക്ഷത്തെ പിന്തുണയ്ക്കുന്നവരാണ്. അവർ മതരാഷ്ട്രവാദം ഉന്നയിക്കുന്നില്ല. മതരാഷ്ട്രവാദമുള്ള പ്രസ്ഥാനമായി പിഡിപിയെ വിലയിരുത്തുന്നില്ലെന്നും തോമസ് ഐസക് പറഞ്ഞു.