മലപ്പുറത്ത് ഓട്ടോ താഴ്ചയിലേക്ക് മറിഞ്ഞു; ഒരു കുടുംബത്തിലെ മൂന്നു പേരും ഓട്ടോ ഡ്രൈവറും മരിച്ചു

മലപ്പുറം ആനക്കയം വള്ളിക്കാപ്പറ്റയിൽ ഓട്ടോ താഴ്ചയിലേക്ക് മറിഞ്ഞു ഒരു കുടുംബത്തിലെ മൂന്നു പേരും ഓട്ടോ ഡ്രൈവറും മരിച്ചു. മൂന്നു പേർക്ക് പരിക്കേറ്റു. ആനക്കയം ചേപ്പൂർ കൂരിമണ്ണിൽ പൂവത്തിക്കൽ ഖൈറുന്നീസ (46 ), സഹോദരൻ ഉസ്മാൻ (36), ഭാര്യ സുലൈഖ (33) , ഓട്ടോറിക്ഷ ഡ്രൈവർ ഹസൻ കുട്ടി(50) എന്നിവരാണ് മരിച്ചത്. ഉസ്മാന്റെയും സഹോദരിയുടേയുമടക്കം മൂന്നു കുട്ടികൾക്കാണ് പരിക്കേറ്റത്. ഖൈറുന്നിസയുടെ മറ്റൊരു സഹോദരന്റെ വീട്ടിലേക്ക് പോകുമ്പോഴാണ് കുടുംബം അപകടത്തിൽപ്പെട്ടത്. മൃതദേഹം മഞ്ചേരി മെഡി. കോളജ് ആശുപത്രി മോർച്ചറിയിലാണുള്ളത്.

Malappuram: Three members of a family were killed when their car overturned at Vallikkappatta in Malappuram.