തിരുവനന്തപുരത്ത് യുവതി വീട്ടില് തീകൊളുത്തി മരിച്ച നിലയില്: ഭര്ത്താവ് ഒളിവില്
തിരുവനന്തപുരം കോവളം വെങ്ങാന്നൂരിൽ യുവതി വീട്ടിൽ തീകൊളുത്തി മരിച്ച നിലയിൽ. വെങ്ങാന്നൂർ സ്വദേശി അർച്ചന (24)യാണ് മരിച്ചത്. ഇന്നലെ രാത്രി 11.30നാണ് സംഭവം.
തിരുവനന്തപുരം കോവളം വെങ്ങാന്നൂരിൽ യുവതി വീട്ടിൽ തീകൊളുത്തി മരിച്ച നിലയിൽ. വെങ്ങാന്നൂർ സ്വദേശി അർച്ചന (24)യാണ് മരിച്ചത്. ഇന്നലെ രാത്രി 11.30നാണ് സംഭവം. പൊലീസ് എത്തിയപ്പോൾ ഭർത്താവ് സുരേഷ് ഓടിരക്ഷപ്പെട്ടെന്ന് പറയപ്പെടുന്നുണ്ട്. പയറ്റുവിളയിലെ വാടക വീട്ടിലാണ് യുവതി തീകൊളുത്തി മരിച്ചത്.
ഇന്നലെ രാത്രി പതിനൊന്നരയോടെയാണ് സംഭവം നടന്നത്. ഇന്നല വൈകുന്നേരം ഇവർ പെൺകുട്ടിയുടെ കുടുംബ വീട്ടിൽ പോയിരുന്നു. ആ സമയം സുരേഷിന്റെ കൈവശം കുപ്പിയിൽ വാങ്ങിയ ഡീസൽ ഉണ്ടായിരുന്നതായി പറയപ്പെടുന്നുണ്ട്. ഇത് ദുരൂഹത വർധിപ്പിക്കുകയാണ്. വിവരം അറിഞ്ഞ് പൊലീസ് എത്തിയപ്പോഴേക്ക് ഇയാള് ഓടിരക്ഷപ്പെട്ടെന്നാണ് റിപ്പോര്ട്ട്. സുരേഷിനായി പൊലീസ് അന്വേഷണം ആരംഭിച്ചു. എന്താണ് കൊലപാതക കാരണമെന്ന് വ്യക്തമല്ല.
ഇരുവരും തമ്മില് ഇടയ്ക്കിടെ വഴക്കിടാറുണ്ടെന്ന് അയല്വാസികള് പൊലീസിന് മൊഴി നല്കിയിട്ടുണ്ട്. ഇതു സംബന്ധിച്ചായിരിക്കാം ആത്മഹത്യയെന്നാണ് പ്രാഥമിക നിഗമനം. അതേസമയം ആത്മഹത്യയാണോ അതോ കൊലപാതകമാണോ എന്നാണ് ഇനി അറിയേണ്ടത്.