ജമ്മുകശ്മീരിന്റെ ആദ്യ വനിതാ മുഖ്യമന്ത്രിയായി മെഹ്‍ബൂബ മുഫ്തി നാലിന് അധികാരമേല്‍ക്കും

മൂന്ന് മാസമായി സംസ്ഥാനത്ത് നിലനിന്നിരുന്ന രാഷ്ട്രീയ അനിശ്ചിതത്വത്തിന് വിരാമമിട്ടാണ് വീണ്ടും ബിജെപി-പിഡിപി സര്‍ക്കാര്‍ രൂപീകരണത്തിന് ധാരണയായത്.

ജമ്മുകാശ്മീരിന്റെ ആദ്യ വനിതാ മുഖ്യമന്ത്രിയായി മെഹ്‍ബൂബ മുഫ്തി ഏപ്രില്‍ നാലിന് അധികാരമേല്‍ക്കും. മൂന്ന് മാസമായി സംസ്ഥാനത്ത് നിലനിന്നിരുന്ന രാഷ്ട്രീയ അനിശ്ചിതത്വത്തിന് വിരാമമിട്ടാണ് വീണ്ടും ബിജെപി-പിഡിപി സര്‍ക്കാര്‍ രൂപീകരണത്തിന് ധാരണയായത്.

ജമ്മു കാശ്മീര്‍ മുഖ്യമന്ത്രിയും മെഹബൂബയുടെ പിതാവുമായ മുഫ്തി മുഹമ്മദ് സയിദിന്റെ മരണത്തെ തുടര്‍ന്നാണ് 10 മാസം നീണ്ട ബിജെപി-പിഡിപി സഖ്യം അനിശ്ചിതത്വത്തിലായത്. പ്രധാനമന്ത്രി നരേന്ദ്രമോദിയും മെഹബൂബയും തമ്മിലുള്ള ചര്‍ച്ചയില്‍ നേരത്തെയുണ്ടായിരുന്ന പൊതുമിനിമം പരിപാടിയുമായി മുന്നോട്ടു പോകാന്‍ തീരുമാനമായതോടെ സര്‍ക്കാര്‍ രൂപീകരണത്തിന് വഴി തെളിഞ്ഞു. മാര്‍ച്ച് 26ന് പിഡിപി പാര്‍ലമെന്ററി പാര്‍ട്ടി നേതാവായി മെഹ്ബൂബ തിരഞ്ഞെടുക്കപ്പെട്ടിരുന്നു.