മാധ്യമപ്രവര്ത്തകനെ തല്ലിയതില് ഖേദമില്ല, ദേശീയ ഫുട്ബോള് ടീമില് നിന്ന് രാജിവെച്ച് തുര്ക്കി ക്യാപ്റ്റന്
മാസിഡോണിയയില് നടന്ന സൗഹൃദ മത്സരത്തിന് ശേഷം മടങ്ങുന്ന വഴി ദേശീയ ടീം സഞ്ചരിച്ച വിമാനത്തില് വെച്ചാണ് മാധ്യമപ്രവര്ത്തകനെ താരം മര്ദിച്ചത്...
തുര്ക്കി ഫുട്ബോള് ടീം ക്യാപ്റ്റന് അര്ദ ടുറാന് ദേശീയ ടീമില് നിന്നും പടിയിറങ്ങുന്നു. ഒരു മാധ്യമപ്രവര്ത്തകനെ തല്ലിയ സംഭവത്തെ തുടര്ന്നാണ് രാജിവെക്കുകയാണെന്ന് താരം വ്യക്തമാക്കിയത്. എന്നാല് സംഭവത്തില് ഖേദം പ്രകടിപ്പിക്കുന്നില്ലെന്നും അദ്ദേഹം പറഞ്ഞു.
മാസിഡോണിയയില് നടന്ന സൗഹൃദ മത്സരത്തിന് ശേഷം മടങ്ങുന്ന വഴി ദേശീയ ടീം സഞ്ചരിച്ച വിമാനത്തില് വെച്ചാണ് മാധ്യമപ്രവര്ത്തകനെ താരം മര്ദിച്ചത്. വിമാനം പുറപ്പെട്ട ഉടന് മാധ്യമപ്രവര്ത്തകനോട് കയര്ത്തു സംസാരിക്കുകയും ഇടിക്കുകയുമായിരുന്നു. താന് ആദ്യം തമാശയായി താരം തന്നോട് പെരുമാറുകയാണെന്നാണ് കരുതിയതെന്നും എന്നാല് പിന്നീടാണ് ഗൗരവം മനസിലായതെന്നും റിപ്പോര്ട്ടര് പറഞ്ഞതായി വാര്ത്തയുണ്ട്. താരത്തിനെതിരെ നിയമനടപടിക്കൊരുങ്ങുമെന്നും അദ്ദേഹം പറഞ്ഞു.
എന്നാല് റിപ്പോര്ട്ടറെ മര്ദിച്ചതില് തനിക്ക് ഖേദമില്ലെന്നും ഇത് താന് നേരത്തെ തന്നെ ഉദ്ദേശിച്ചതാണെന്നും ടുറാന് പറഞ്ഞു. 2016 യൂറോകപ്പിനിടെ തന്നെയും തന്റെ കുടുംബത്തെയും അവഹേളിക്കുന്ന രീതിയില് റിപ്പോര്ട്ടര് വാര്ത്തകള് നല്കിയിരുന്നുവെന്നും ടുറാന് പറഞ്ഞു. യൂറോകപ്പിലെ മോശം പ്രകടനത്തെ തുടര്ന്ന് അദ്ദേഹത്തെ കുറിച്ച് നിരവധി വാര്ത്തകള് വന്നിരുന്നു. ദേശീയ ജഴ്സിയില് താന് റിപ്പോര്ട്ടറെ മര്ദിച്ചത് കൊണ്ടാണ് താന് രാജിവെക്കുന്നതെന്നും അത് തന്റെ ടീമിനും രാജ്യത്തിനും നാണക്കേടുണ്ടാക്കിയെന്നും അദ്ദേഹം പറഞ്ഞു.
രാജ്യത്തിനായി 94 മത്സരങ്ങളില് നിന്ന് 17 ഗോളുകള് അദ്ദേഹം നേടിയിട്ടുണ്ട്. സ്പാനിഷ് കരുത്തര് ബാഴ്സലോണയുടെ മധ്യനിര താരമാണ് ടുറാന്. 2015 അത്ലറ്റികോ മാഡ്രിഡില് നിന്നാണ് ടുറാന് ബാഴ്സയിലെത്തിയത്. ലോകകപ്പ് യോഗ്യതാ മത്സരത്തില് ഗ്രൂപ്പ് വണ്ണില് നാലാം സ്ഥാനത്താണ് തുര്ക്കി. അഞ്ച് കളികളില്നിന്ന് എട്ട് പോയിന്റാണുള്ളത്.