കൊൽക്കത്ത ആസ്ഥാനമായുള്ള പൊതുമേഖലാ ബാങ്കായ യൂക്കോ ബാങ്കിൽ, അപ്രന്റിസ്ഷിപ്പിന് അപേക്ഷ ക്ഷണിച്ചു. 530 ഒഴിവുണ്ട്. ഇതിൽ പത്തെണ്ണം കേരളത്തിലാണ്. ബിരുദധാരികൾക്കാണ് അവസരം. തിരഞ്ഞെടുപ്പിനായി ഓൺലൈൻ എഴുത്തുപരീക്ഷയുണ്ടാകും. ഒരുവർഷമാണ് പരിശീലനം.
കേരളത്തിലെ ഒഴിവുകൾ (സംവരണം തിരിച്ച്): ജനറൽ-7, ഒ.ബി.സി. (എൻസിഎൽ)-3 (ആകെ ഒഴിവിൽ ഒരെണ്ണം അസ്ഥിസംബന്ധമായ ന്യൂനതകളുള്ള ഭിന്നശേഷിക്കാർക്ക് നീക്കിവെച്ചതാണ്).
സ്‌റ്റൈപ്പൻഡ്: 16,650 രൂപ.
യോഗ്യത: അംഗീകൃത സർവകലാശാല/ഇൻസ്റ്റിറ്റ്യൂട്ടിൽനിന്ന് 01.04.2022-നോ അതിനുശേഷമോ ഏതെങ്കിലും വിഷയത്തിൽ നേടിയ ബിരുദം.
അപേക്ഷിക്കുന്ന സംസ്ഥാനത്തെ പ്രാദേശികഭാഷ എഴുതാനും വായിക്കാനും സംസാരിക്കാനും മനസിലാക്കാനും കഴിയണം.
പ്രായം: 2026 ഒക്ടോബർ ഒന്നിന് 20-28 വയസ്.
ഉയർന്ന പ്രായപരിധിയിൽ എസ്‌സി, എസ്ടി വിഭാഗക്കാർക്ക് അഞ്ചുവർഷത്തെയും ഒബിസി വിഭാഗക്കാർക്ക് മൂന്നുവർഷത്തെയും ഇളവുണ്ട്.
ഭിന്നശേഷിക്കാർക്ക് ജനറൽ-10 വർഷം, എസ്‌സി/എസ്ടി.-15 വർഷം, ഒബിസി (എൻസിഎൽ)-13 വർഷം എന്നിങ്ങനെയാണ് ഇളവ്. വിമുക്തഭടന്മാർക്കും നിയമാനുസൃത ഇളവ് ലഭിക്കും. വിധവകൾക്കും പുനർവിവാഹിതരാവാത്ത വിവാഹമോചിതർക്കും 35 വയസുവരെ (എസ്‌സി/എസ്ടി വിഭാഗക്കാർ-40 വയസ് വരെ) അപേക്ഷിക്കാം.
അവസാന തീയതി: 29-10-2026
പരീക്ഷ: ഒബ്ജക്ടീവ് മാതൃകയിലായിരിക്കും ഓൺലൈൻ പരീക്ഷ നടത്തുക. 100 മാർക്കിനുള്ള പരീക്ഷയ്ക്ക് ഒരുമണിക്കൂറാണ് സമയം.
പരീക്ഷാത്തീയതി, പരീക്ഷാകേന്ദ്രം എന്നിവ സംബന്ധിച്ച വിവരങ്ങൾ വെബ്സൈറ്റിലൂടെ അറിയിക്കും. അപേക്ഷിക്കുന്ന സംസ്ഥാനത്തെ പ്രാദേശികഭാഷ പഠിച്ചതായി തെളിയിക്കുന്നതിന് പത്താംക്ലാസ്/പന്ത്രണ്ടാംക്ലാസ് മാർക്ക്ഷീറ്റ്/സർട്ടിഫിക്കറ്റ് ഹാജരാക്കണം. അല്ലാത്തവർ സർട്ടിഫിക്കറ്റ് വെരിഫിക്കേഷൻ സമയത്ത് ഈ ഭാഷയിലുള്ള പരിജ്ഞാനം തെളിയിക്കാനുള്ള പരീക്ഷകൂടി എഴുതണം.
അപേക്ഷാഫീസ്: ജനറൽ, ഇഡബ്ല്യുഎസ്, ഒബിസി വിഭാഗങ്ങളിലെ പുരുഷന്മാർക്ക് 800 രൂപയും വനിതകൾക്ക് 600 രൂപയുമാണ് ഫീസ്. എസ്‌സി, എസ്ടി വിഭാഗക്കാർക്കും ഭിന്നശേഷിക്കാർക്കും 200 രൂപയാണ് ഫീസ്. അടയ്ക്കുന്ന തുകയ്ക്ക് നിശ്ചയിച്ചിട്ടുള്ള ജിഎസ്ടിയും നൽകണം.
അപേക്ഷ: ഓൺലൈനായാണ് അപേക്ഷിക്കേണ്ടത്. അപ്രന്റിസ്ഷിപ്പിനുള്ള ഗവൺമെന്റ് പോർട്ടലായ https://nats.education.gov.in-ൽ രജിസ്റ്റർ ചെയ്തശേഷമാണ് അപേക്ഷിക്കേണ്ടത്. ഒരാൾക്ക് ഒരു സംസ്ഥാനത്തേക്ക് അപേക്ഷിക്കാനാവൂ. വിശദവിവരങ്ങളും അപേക്ഷിക്കുന്നതിനുള്ള ലിങ്കും www.ucobank.in-career സന്ദർശിക്കുക. അപേക്ഷ സ്വീകരിക്കുന്ന അവസാന തീയതി: ഒക്ടോബർ 29.