ഉംറ നിർവഹിച്ച് മടങ്ങവെ അപകടം; മലയാളി കുഞ്ഞിന്റെ മൃതദേഹം ഖബറടക്കി
ശനിയാഴ്ച റിയാദില്നിന്ന് 400 കിലോമീറ്റര് അകലെ മക്ക റോഡിലായിരുന്നു അപകടം.
Update: 2023-01-29 19:24 GMT
റിയാദ്: ഉംറ നിർവഹിച്ച് മടങ്ങുകയായിരുന്ന മലയാളി കുടുംബത്തിന്റെ കാർ മറിഞ്ഞുണ്ടായ അപകടത്തിൽ മരണപ്പെട്ട കുഞ്ഞിനെ ഖബറടക്കി. തിരുവനന്തപുരം പാറശ്ശാല കണിയിക്കാവിള സ്വദേശി മുഹമ്മദ് ഹസീമിന്റെ മകള് അര്വയുടെ മൃതദേഹമാണ് റിയാദിൽ ഖബറടക്കിയത്.
ശനിയാഴ്ച റിയാദില്നിന്ന് 400 കിലോമീറ്റര് അകലെ മക്ക റോഡിലായിരുന്നു അപകടം. മക്കയിലേക്ക് ഉംറക്ക് പോയി ഖോബാറിലെക്ക് തിരിച്ചുവരുമ്പോഴാണ് അപകടമുണ്ടായത്.
കാറിന്റെ ടയര്പൊട്ടി നിയന്ത്രണം വിട്ട് മറിയുകയായിരുന്നു. ആശുപത്രിയിലെത്തിച്ച ശേഷമാണ് അര്വ മരിച്ചത്. ഹസീമിന്റെ ഭാര്യാ മാതാവ് നജ്മുന്നീസ ചികിത്സയില് തുടരുകയാണ്.