യുഎഇയിലെ പ്രധാന റോഡുകളിൽ ​വൻ ഗതാ​ഗതക്കുരുക്ക്

ദുബൈ: യുഎഇയിലെ പ്രധാന റോഡുകളിൽ വലിയ ​ഗതാ​ഗതക്കുരുക്കാണ് ഇന്ന് യാത്രക്കാർ നേരിട്ടത്. തിരക്കേറിയ സമയങ്ങളിലും ഷാർജ, ദുബൈ റോഡുകളിൽ കനത്ത ഗതാഗതക്കുരുക്കാണ് അനുഭവപ്പെട്ടത്. ഷാർജയിൽ അൽ വഹ്ദ സ്ട്രീറ്റ് മുതൽ ഇത്തിഹാദ് റോഡിലെ(ഇ11) അൽ മുല്ല പ്ലാസ വരെ ​ഗതാ​ഗതം തടസ്സപ്പെട്ടു. ദുബൈയിൽ ദയേരയിൽ അൽ ഹംരിയ പോർട്ട് റോ‍ഡിലും(ഡി92), അൽ റി​ഘ സ്ട്രീറ്റിലും യൂണിയൻ സ്ക്വയറിലും കൂടാതെ ഷെയ്ഖ് മുഹമ്മദ് ബിൻ സായിദ് റോഡി (ഇ311) ലും തടസ്സം നേരിട്ടു. കൂടാതെ, ഫ്ലോട്ടിംഗ് ബ്രിഡ്ജിലേക്കുള്ള എല്ലാ റോഡുകളും ബ്ലോക്കായതിനാൽ സെൻട്രൽ ദുബൈയിലേക്കുള്ള യാത്രക്കാർക്കും കാലതാമസവും നേരിട്ടു.