പട്ന: ബിഹാറിൽ വീണ്ടും പാലം തകർന്നു. സിവാൻ ജില്ലയിലെ ഗണ്ഡകി നദിക്ക് കുറുകെയുള്ള പാലമാണ് തകർന്നത്. സംസ്ഥാനത്ത് 15 ദിവസത്തിനിടെ തകരുന്ന ഏഴാമത്തെ പാലമാണിത്. സിവാനിൽ കഴിഞ്ഞ 11 ദിവസത്തിനിടെ രണ്ടാമത്തെ പാലമാണ് തകർന്നത്.
#BREAKING : Another bridge collapses in Bihar, this time in Siwan, 7 such incident in 15 days.
— upuknews (@upuknews1) July 3, 2024
The small bridge, situated in the district's Deoria block, connects several villages with Mahrajganj. No casualties have been reported so far#Bihar #Siwan #BridgeCollapse… pic.twitter.com/87hKQ9Vw4M
ഇന്ന് പുലർച്ചെ അഞ്ച് മണിയോടെയാണ് പാലം തകർന്നത്. അപകടത്തിൽ ആർക്കും പരിക്കേറ്റതായി റിപ്പോർട്ടില്ല. സംഭവത്തെക്കുറിച്ച് അന്വേഷിച്ചുവരികയാണെന്ന് ഡെവലപ്മെന്റ് കമ്മീഷണർ മുകേഷ് കുമാർ പറഞ്ഞു. 1982-83 കാലത്താണ് പാലം നിർമിച്ചത്. കഴിഞ്ഞ ഏതാനും ദിവസങ്ങളായി പാലത്തിൽ അറ്റകുറ്റപ്പണികൾ നടന്നിരുന്നു.
കഴിഞ്ഞ ദിവസങ്ങളിൽ പെയ്ത കനത്ത മഴയാണ് പാലത്തിന്റെ തകർച്ചക്ക് കാരണമെന്ന് പ്രദേശവാസികൾ പറഞ്ഞു. ഗണ്ഡകി നദിയിലെ കനത്ത ഒഴുക്ക് പാലത്തിന്റെ ഘടനയെ ദുർബലപ്പെടുത്തിയതായി സംശയമുണ്ട്.