പനാജി:ഗോവയിലെ റിസോർട്ടിൽ ഡച്ച് വിനോദസഞ്ചാരിയെ പീഡിപ്പിച്ച കേസിൽ ജീവനക്കാരെ അറസ്റ്റ് ചെയ്തു. 29 കാരിയായ ഡച്ച് യുവതിയെയാണ് ജീവനക്കാരൻ പീഡിപ്പിക്കുകയും കുത്തിപ്പരിക്കേൽപ്പിക്കുകയും ചെയ്തത്. വടക്കൻ ഗോവയിലെ പെർനെം നഗരത്തിലാണ് സംഭവം.ഉത്തരാഖണ്ഡ് സ്വദേശിയായ അഭിഷേക് വർമ (27) ആണ് പ്രതി.
യുവതി താമസിച്ചിരുന്ന വാടക കൂടാരത്തിൽ പ്രതി അതിക്രമിച്ചു കയറുകയായിരുന്നെന്ന് പൊലീസിനെ ഉദ്ധരിച്ച് വാർത്താഏജൻസിയായ എ.എൻ.ഐ റിപ്പോർട്ട് ചെയ്തു. പ്രതി രണ്ട് വർഷത്തോളമായി റിസോർട്ടിൽ ജോലി ചെയ്യുകയാണെന്ന് ഇന്ത്യൻ എക്സ്പ്രസ് റിപ്പോർട്ട് ചെയ്യുന്നു.
യുവതിയുടെ ഉച്ചത്തിലുള്ള നിലവിളി കേട്ട് രക്ഷപ്പെടുത്താനെത്തിയ നാട്ടുകാരനെയും പ്രതി കുത്തിയെന്നും പൊലീസ് പറയുന്നു. തുടർന്ന് പ്രതി സംഭവസ്ഥലത്ത് രക്ഷപ്പെടുകയും ചെയ്തതായി പൊലീസ് സൂപ്രണ്ട് നിധിൻ വൽസൻ പറഞ്ഞു.
രാജസ്ഥാനും മുംബൈയും സന്ദർശിച്ച ശേഷമാണ് യുവതി ഗോവയിലെത്തിയത്. അത്താഴം കഴിഞ്ഞ് ടെന്റിനുള്ളിൽ ഉറങ്ങാൻ പോയി. പുലർച്ചെ 2 മണിയോടെയാണ് പ്രതി ടെന്റിൽ അതിക്രമിച്ച കയറി തന്നെ ആക്രമിച്ചതെന്നും യുവതി പൊലീസിന് മൊഴി നൽകി.സഹായിക്കാനെത്തിയയാളെ ഇയാൾ പരിക്കേൽപ്പിച്ചെന്നും യുവതി പൊലീസിന് മൊഴി നൽകി.