ഉറിയിൽ ഏറ്റുമുട്ടൽ; മൂന്ന് ഭീകരരെ വധിച്ച് സെെന്യം

ശ്രീന​ഗർ: ജമ്മുകശ്മീർ ഉറിയിൽ മൂന്നു ഭീകരരെ വധിച്ച് സെെന്യം. മേഖലയില്‍ ഏറ്റുമുട്ടല്‍ തുടരുന്നു. വധിച്ച ഭീകരൻ്റെ മൃതദേഹം നീക്കാൻ ശ്രമിച്ചപ്പോൾ പാക് സൈനിക പോസ്റ്റിൽ നിന്നും വെടിവെപ്പ് ഉണ്ടായി എന്നും സെെന്യം അറിയിച്ചു. ഇന്നു പുലർച്ചെ 7:30 ഓട് കൂടിയാണ് ഏറ്റുമുട്ടൽ ഉണ്ടായത്. സെെന്യവും സുരക്ഷസേനയും നടത്തിയ തിരച്ചിലിലാണ് ഭീകരർ ഓളിച്ചിരിക്കുന്നതായി വിവരം ലഭിച്ചത്. തുടർന്ന് ഏറ്റുമുട്ടലുണ്ടാവുകയായിരുന്നു. വധിച്ച ഭീകരൻ്റെ മൃതദേഹം നീക്കാൻ ശ്രമിക്കുമ്പോൾ പാക് സൈനിക പോസ്റ്റിൽ നിന്നും വെടിവെപ്പ് ഉണ്ടായതായും സെെന്യം അറിയിച്ചു.

അതേയമയം, ജമ്മുകശ്മീരിലെ അനന്ത്നാ​ഗിൽ നാലാം ദിനവും ഭീകരർക്ക് വേണ്ടിയുളള തിരച്ചിൽ തുടരുകയാണ്. ലഷ്‌കര്‍ ഭീകരന്‍ ഉസൈര്‍ ഖാനടക്കം രണ്ട് ഭീകരർ വനത്തിൽ ഒളിച്ചിരിക്കുന്നതായാണ് വിവരം. മേഖല ഇപ്പോൽ സെെന്യത്തിന്റെ പൂർണ്ണ നിയന്ത്രണത്തിലാണ്.