മലപ്പുറത്ത് പതിമൂന്നുകാരൻ ഷോക്കേറ്റ് മരിച്ചു
അമരമ്പലത്തെ സ്വകാര്യ വ്യക്തിയുടെ കൃഷിയിടത്തിലാണ് കുട്ടിയെ മരിച്ച നിലയിൽ കണ്ടെത്തിയത്
Update: 2023-10-18 12:18 GMT
മലപ്പുറം: പൂക്കോട്ടുംപാടത്ത് പതിമൂന്ന്കാരൻ ഷോക്കേറ്റു മരിച്ചു. ആസാം സ്വദേശിയായ റഹ്മത്തുള്ള (13) ആണ് മരിച്ചത്.
പൂക്കോട്ടുംപാടം അമരമ്പലത്തെ സ്വകാര്യ വ്യക്തിയുടെ കൃഷിയിടത്തിലാണ് വിദ്യാർഥിയെ മരിച്ച നിലയിൽ കണ്ടെത്തിയത്. കൃഷിയിടത്തിലെ വൈദ്യുത വേലിയിൽ നിന്ന് ഷോക്കേറ്റതാണെന്നാണ് നിഗമനം. മൃതദേഹം നിലമ്പൂർ ജില്ലാ ആശുപത്രിയിൽ എത്തിച്ചു.