'കലാപത്തിന് കാരണമായേക്കാവുന്ന വിധത്തിൽ പ്രകോപനമുണ്ടാക്കി'; 'ഞാൻ ബാബരി' ബാഡ്ജ് വിതരണം ചെയ്തവർക്കെതിരെ കേസ്

വിദ്യാർഥികൾക്ക് 'ഞാൻ ബാബരി' എന്നെഴുതിയ ബാഡ്ജ് വിതരണം ചെയ്ത സംഭവത്തിൽ പൊലീസ് കേസെടുത്തു. ഡിസംബർ ആറിന് ക്ലാസ് കഴിഞ്ഞതിനുശേഷം കാസർകോട് കുമ്പള ഗവ. ഹയർ സെക്കണ്ടറി സ്‌കൂളിലെ വിദ്യാർഥികൾക്ക് ബാഡ്ജ് വിതരണം ചെയ്ത സംഭവത്തിലാണ് കേസെടുത്തത്. സ്‌കൂൾ പ്രിൻസിപ്പലിന്റെ പരാതിയുടെ അടിസ്ഥാനത്തിൽ കണ്ടാലറിയാവുന്ന ഒരു കൂട്ടം ആളുകൾക്കെതിരെയാണ് കുമ്പള പൊലീസ് കേസെടുത്തത്. കലാപത്തിന് കാരണമായേക്കാവുന്ന വിധത്തിൽ പ്രകോപനമുണ്ടാക്കി എന്ന വകുപ്പ് ചുമത്തിയാണ് കേസ്. വിഷയത്തിൽ ബിജെപി കാസർകോട് ജില്ലാ ജനറൽ സെക്രട്ടറിയും പൊലീസിൽ പരാതി നൽകിയിരുന്നു.