Writer - അൻഫസ് കൊണ്ടോട്ടി
anfas123
അതിജീവിതയെ അപമാനിച്ച കേസ്; രാഹുല് ഈശ്വറിന്റെ ജാമ്യാപേക്ഷയില് വാദം ഇന്നും തുടരും
തിരുവനന്തപുരം പ്രിന്സിപ്പല് സെഷന്സ് കോടതിയിലാണ് വാദം
Update: 2025-12-06 03:15 GMT
തിരുവനന്തപുരം: രാഹുല് മാങ്കൂട്ടത്തിലിനെതിരെ പരാതി നല്കിയ ഇരയെ അധിക്ഷേപിച്ച കേസില് റിമാന്ഡിലായ രാഹുല് ഈശ്വറിന്റെ ജാമ്യാപേക്ഷയില് വാദം ഇന്നും തുടരും. തിരുവനന്തപുരം പ്രിന്സിപ്പല് സെഷന്സ് കോടതിയിലാണ് വാദം. പരാതിക്കാരിയുടെ വ്യക്തിത്വം വെളിപ്പെടുത്തിയിട്ടില്ലെന്നാണ് രാഹുല് ഈശ്വറിന്റെ വാദം. പരാതിക്കാരിയുമായി ബന്ധപ്പെട്ട എഫ്ഐആറിലെ വിശദാംശങ്ങള് പങ്കുവെക്കുക മാത്രമാണ് ചെയ്തതെന്നും രാഹുല് കോടതിയെ അറിയിച്ചു. എന്നാല് രാഹുല് ചോദ്യം ചെയ്യലുമായി സഹകരിക്കുന്നില്ലെന്നും കൂടുതല് സമയം കസ്റ്റഡിയില് വേണമെന്നുമാണ് പ്രോസിക്യൂഷന് ആവശ്യപ്പെട്ടത്.
അതേസമയം ജയിലില് നിരാഹാരം തുടര്ന്നിരുന്ന രാഹുല് ഈശ്വറിനെ ആരോഗ്യനില വഷളായതിനെ തുടര്ന്ന് മെഡിക്കല് കോളജ് ആശുപത്രിയിലേക്ക് മാറ്റി.