കോഴിക്കോട്: എല്ലാ പ്രാവശ്യവും രാവിലെത്തന്നെ വോട്ട് ചെയ്യാനെത്തുമെന്നും വോട്ടവകാശം കൊടുക്കേണ്ടവർക്ക് കൊടുത്തെന്നും കാന്തപുരം എ.പി അബൂബക്കർ മുസ്ലിയാർ.
ആർക്കാണ് പിന്തുണ എന്നത് സംബന്ധിച്ച് ഇവിടെ പറയുന്നില്ലെന്നും കാന്തപുരം പറഞ്ഞു. ആര്ക്ക് പിന്തുണ നല്കണമെന്നത് സംബന്ധിച്ച് വാര്ത്തകളുണ്ടോ എന്ന ചോദ്യത്തിന് അതിന് മറുപടി വാര്ത്തയുണ്ടെന്നും കാന്തപുരം കൂട്ടിച്ചേര്ത്തു. ബാലുശ്ശേരി നിയോജക മണ്ഡലത്തിലെ 218-ാം ബൂത്തായ കാന്തപുരം ഗവ. എൽപി സ്കൂളിൽ വോട്ട് രേഖപ്പെടുത്തിയ ശേഷം സംസാരിക്കുകയായിരുന്നു അദ്ദേഹം.
ഓരോ പൗരന്റെയും നിലപാടിനും ശബ്ദത്തിനും ഏറെ മൂല്യമുള്ളതാണ് ജനാധിപത്യം. സമ്മതിദാനാവകാശം പാഴാകാതെ കൃത്യമായി ഉപയോഗപ്പെടുത്താൻ എല്ലാവരും ഉത്സാഹിക്കണമെന്നും അദ്ദേഹം ആഹ്വാനം ചെയ്തു. രാവിലെ തന്നെ പോളിംഗ് സ്റ്റേഷനിലെത്തിയ അദ്ദേഹം വോട്ട് രേഖപ്പെടുത്തി മടങ്ങി
watch video