പി.എ ജബ്ബാര് ഹാജി മലപ്പുറം ജില്ലാ പഞ്ചായത്ത് പ്രസിഡന്റാവും സ്മിജി വൈസ് പ്രസിഡന്റും; ഭാരവാഹികളെ പ്രഖ്യാപിച്ച് മുസ്ലിം ലീഗ്
പ്രതിപക്ഷമില്ലാതെയാണ് ഇത്തവണത്തെ മലപ്പുറം ജില്ലാ പഞ്ചായത്ത്. ആകെയുള്ള 33 ഡിവിഷനുകളില് 33ഉം യുഡിഎഫ് തൂത്തുവാരിയിരുന്നു.
Update: 2025-12-25 11:12 GMT
പി.എ ജബ്ബാര് ഹാജി-അഡ്വ. എ.പി സ്മിജി
മലപ്പുറം: ജില്ലാ പഞ്ചായത്തിലേക്കുള്ള മുസ്ലിം ലീഗ് ഭാരവാഹികളെ സംസ്ഥാന അദ്ധ്യക്ഷന് പാണക്കാട് സാദിഖലി ശിഹാബ് തങ്ങള് പ്രഖ്യാപിച്ചു.
പി.എ ജബ്ബാര് ഹാജി മലപ്പുറം ജില്ലാ പഞ്ചായത്ത് അദ്ധ്യക്ഷനാവും. അഡ്വ. എ.പി സ്മിജി വൈസ് പ്രസിഡന്റാവും. അന്തരിച്ച മുന് ജില്ലാ പഞ്ചായത്ത് അദ്ധ്യക്ഷന് എ.പി ഉണ്ണികൃഷ്ണന്റെ മകളാണ് സ്മിജി.
പി.കെ അസ്ലു ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയര്മാനാവും. ഷാഹിന നിയാസി വികസന സ്റ്റാന്റിംഗ് കമ്മിറ്റി ചെയര്പേഴ്സണും ആവും. പാര്ലമെന്ററി പാര്ട്ടി ലീഡറായി വെട്ടം ആലിക്കോയയെയും പാര്ലമെന്ററി പാര്ട്ടി സെക്രട്ടറിയായി കെ.ടി അഷ്റഫിനെയും തീരുമാനിച്ചു.
യാസ്മിന് അരിമ്പ്രയാണ് ഡെപ്യൂട്ടി ലീഡര്. ഷരീഫ് കൂറ്റൂരാണ് വിപ്പ്. ബഷീര് രണ്ടത്താണിയാണ് ട്രഷറര്.
പ്രതിപക്ഷമില്ലാതെയാണ് ഇത്തവണത്തെ മലപ്പുറം ജില്ലാ പഞ്ചായത്ത്. ആകെയുള്ള 33 ഡിവിഷനുകളില് 33ഉം യുഡിഎഫ് തൂത്തുവാരിയിരുന്നു. കഴിഞ്ഞ തവണ രണ്ട് ഡിവിഷനുകളിലായിരുന്നു എൽഡിഎഫ് വിജയിച്ചിരുന്നത്. 2025ൽ അതും യുഡിഎഫ് പിടിച്ചെടുത്തു.