രാഹുല് ഗാന്ധി പങ്കെടുത്ത പരിപാടിയില് നിന്ന് ഉമ്മന് ചാണ്ടിയും ചെന്നിത്തലയും വിട്ടുനിന്നു
പാര്ട്ടിയില് ഒരുപാട് മാറ്റങ്ങള് വേണ്ടിവരുമെന്ന് കെ.പി.സി.സി പ്രസിഡന്റ് കെ.സുധാകരന് പറഞ്ഞു. പാര്ട്ടിയില് അച്ചടക്കം കുറഞ്ഞു. അച്ചടക്കമില്ലാത്ത പാര്ട്ടിക്ക് രാഷ്ട്രീയ മണ്ഡലത്തില് നിലനില്ക്കാനാവില്ല. പാര്ട്ടിയെ സെമി കേഡര് രൂപത്തിലേക്ക് മാറ്റുമെന്നും അതിനുള്ള തയ്യാറെടുപ്പുകള് തുടങ്ങിയതായും സുധാകരന് വ്യക്തമാക്കി.
Update: 2021-09-02 08:10 GMT
രാഹുല് ഗാന്ധി പങ്കെടുത്ത പരിപാടിയില് നിന്ന് മുതിര്ന്ന നേതാക്കളായ ഉമ്മന് ചാണ്ടിയും രമേശ് ചെന്നിത്തലയും വിട്ടുനിന്നു. കണ്ണൂര് ഡി.സി.സി ഓഫീസ് ഉദ്ഘാടനച്ചടങ്ങില് നിന്നാണ് നേതാക്കള് വിട്ടുനിന്നത്. ഓണ്ലൈനായി പങ്കെടുക്കുമെന്ന് അറിയിച്ചെങ്കിലും ഇരുവരും സംസാരിച്ചില്ല.
പാര്ട്ടിയില് ഒരുപാട് മാറ്റങ്ങള് വേണ്ടിവരുമെന്ന് കെ.പി.സി.സി പ്രസിഡന്റ് കെ.സുധാകരന് പറഞ്ഞു. പാര്ട്ടിയില് അച്ചടക്കം കുറഞ്ഞു. അച്ചടക്കമില്ലാത്ത പാര്ട്ടിക്ക് രാഷ്ട്രീയ മണ്ഡലത്തില് നിലനില്ക്കാനാവില്ല. പാര്ട്ടിയെ സെമി കേഡര് രൂപത്തിലേക്ക് മാറ്റുമെന്നും അതിനുള്ള തയ്യാറെടുപ്പുകള് തുടങ്ങിയതായും സുധാകരന് വ്യക്തമാക്കി.
കെ.സുധാകരന് പൂര്ണ പിന്തുണ പ്രഖ്യാപിച്ച് പ്രതിപക്ഷനേതാവ് വി.ഡി സതീശനും രംഗത്തെത്തി. പാര്ട്ടിയെ സെമി കേഡര് സംവിധാനത്തിലേക്ക് മാറ്റാനുള്ള നീക്കങ്ങള്ക്ക് എല്ലാ പിന്തുണയും ഉണ്ടാവുമെന്ന് അദ്ദേഹം വ്യക്തമാക്കി. കെ.പി.സി.സി പ്രസിഡന്റിന്റെ നിര്ദേശങ്ങള് അനുസരിക്കാന് എല്ലാ കോണ്ഗ്രസ് പ്രവര്ത്തകര്ക്കും ബാധ്യതയുണ്ടെന്നും സതീശന് പറഞ്ഞു.