പി.എം ഫൗണ്ടേഷൻ ടാലന്റ് സെർച്ച് പരീക്ഷ; രജിസ്ട്രേഷൻ ജൂൺ 27ന് അവസാനിക്കും
പത്താം ക്ലാസ് ഉന്നത വിജയികൾക്കായി മാധ്യമത്തിന്റെ സഹകരണത്തോടെ നടത്തുന്ന പരീക്ഷക്ക് കേരളത്തിലെ എല്ലാ ജില്ലകളിലും പരീക്ഷ കേന്ദ്രങ്ങളുണ്ടാകും.
Update: 2024-06-26 05:36 GMT
കോഴിക്കോട്: പി.എം. ഫൗണ്ടേഷൻ ടാലന്റ് സെർച്ച് പരീക്ഷക്ക് രജിസ്റ്റർ ചെയ്യാനുള്ള അവസരം 27 ന് അവസാനിക്കും. പത്താം ക്ലാസ് ഉന്നത വിജയികൾക്കായി മാധ്യമത്തിന്റെ സഹകരണത്തോടെ നടത്തുന്ന പരീക്ഷക്ക് കേരളത്തിലെ എല്ലാ ജില്ലകളിലും പരീക്ഷ കേന്ദ്രങ്ങളുണ്ടാകും.
അടിസ്ഥാന ശാസ്ത്രം, സാമൂഹ്യശാസ്ത്രം, പൊതുവിജ്ഞാനം, ഇന്റലിജൻസ് വിഷയങ്ങളിൽ പത്താം ക്ലാസ് നിലവാരത്തിലുള്ള ചോദ്യങ്ങളാണ് രണ്ടു മണിക്കൂർ ഒബ്ജക്റ്റീവ് പരീക്ഷയുടെ ഉള്ളടക്കം.
എസ്.എസ്.എൽ.സി/ടി.എച്ച്.എസ്.എൽ.സി പരീക്ഷയിൽ മുഴുവൻ വിഷയങ്ങളിലും എ പ്ലസ്, സി.ബി.എസ്.ഇ/ഐ.സി.എസ്.ഇ പരീക്ഷയിൽ ഓരോ വിഷയത്തിലും 90 ശതമാനം മാർക്ക്, എസ്.എസ്.എൽ.സി/ടി.എച്ച്.എസ്.എൽ.സി പരീക്ഷയിൽ എല്ലാ വിഷയങ്ങളിലും എ ഗ്രേഡ് അല്ലെങ്കിൽ സി.ബി.എസ്.ഇ/ഐ.സി.എസ്.ഇ പരീക്ഷയിൽ ഓരോ വിഷയത്തിനും 80 ശതമാനം മാർക്കും സ്പോർട്സ്, ആർട്സ്, കൾച്ചർ, ലീഡർഷിപ്പ്, സോഷ്യൽ സർവിസ്, ഐ.ടി എന്നിവയിൽ സംസ്ഥാന-ദേശീയതല മത്സരങ്ങളിൽ വിജയവും എന്നിവയിൽ ഏതെങ്കിലും യോഗ്യതയുള്ളവർക്ക് ആപേക്ഷിക്കാം.
നിശ്ചിത മാർക്ക് നേടുന്നവർക്ക് കാഷ് അവാർഡും സാക്ഷ്യപത്രവും അന്തിമ ഘട്ടത്തിലെ വിജയികൾക്ക് അഞ്ചു വർഷം ഉന്നത വിദ്യാഭ്യാസത്തിനുള്ള ഫെലോഷിപ്പും ലഭിക്കും. www.pmfonline.org എന്ന വെബ്സൈറ്റ് വഴി ടാലന്റ് സെർച്ച് പരീക്ഷക്ക് രജിസ്റ്റർ ചെയ്യാം. വിവരങ്ങൾക്ക് 0484 2367279, +91 7510672798 എന്നീ നമ്പറുകളിൽ ബന്ധപ്പെടാം.