സച്ചാര് കമ്മിറ്റി ശിപാര്ശകള് നടപ്പാക്കണമെന്നാവശ്യപ്പെട്ട് പോപുലര് ഫ്രണ്ട് ജൂലൈ 14ന് സെക്രട്ടേറിയറ്റ് മാര്ച്ച് നടത്തും. മുസ്ലിം പിന്നാക്കാവസ്ഥ പരിഹരിക്കാനുള്ള സച്ചാര് കമ്മിറ്റിയുടെ നിര്ദേശങ്ങള് ഇനിയും നടപ്പിലായിട്ടില്ല. നാമമാത്രമായി നടപ്പിലാക്കിയ ചില പദ്ധതികളാവട്ടെ നുണപ്രചാരണത്തിലൂടെ നിലച്ച അവസ്ഥയിലാണ്.
സച്ചാര്- പാലോളി കമ്മിറ്റികളുടെ ശുപാര്ശകള് പ്രകാരമുള്ള സ്കോളര്ഷിപ്പുകളും ക്ഷേമപദ്ധതികളും ബജറ്റ് വിഹിതവും നൂറു ശതമാനവും മുസ്ലിംകള്ക്ക് മാത്രമായി ഉറപ്പുവരുത്തണം. ഒപ്പം പാലോളി കമ്മറ്റിയുടെ മറ്റു നിര്ദേശങ്ങളും ശുപാര്ശകളും അടിയന്തരമായി നടപ്പിലാക്കണം. ഈ പ്രശ്നം പരിഹരിക്കുന്നതു വരെ ശക്തമായ പ്രതിഷേധങ്ങളുമായി മുന്നോട്ട് പോവാനും പോപുലര് ഫ്രണ്ട് സംസ്ഥാന എക്സിക്യൂട്ടീവ് കൗണ്സില് തീരുമാനിച്ചു.