പാലക്കാട്ടെ മൂന്ന് വയസുകാരന്റെ മരണം കൊലപാതകം; മാതാവ് കസ്റ്റഡിയിൽ

പാലക്കാട് എലപ്പുള്ളിയിലെ മൂന്ന് വയസുകാരന്റെ മരണം കൊലപാതകമെന്ന് പൊലീസ്. വേങ്ങോടി മുഹമ്മദ് ഷാൻ - ആസിയ ദമ്പതികളുടെ മൂന്ന് വയസുള്ള കുഞ്ഞിനെയാണ് അബോധാവസ്ഥയിൽ കണ്ടെത്തിയത്. കുഞ്ഞിനെ ശ്വാസം മുട്ടിച്ചാണ് കൊന്നതെന്നും പൊലീസ് പറഞ്ഞു.

കുഞ്ഞിന്റെ മാതാവ് ആസിയയെ കസബ പൊലീസ് കസ്റ്റഡിയിലെടുത്ത് ചോദ്യം ചെയ്ത് വരുകയാണ്. ആസിയയും ഭർത്താവും വേർപിരിഞ്ഞാണ് താമസിക്കുന്നത്.