'അങ്ങനെ ഗ്യാസ് വില 1Kയിലേക്ക്.. വെൽഡൺ മോഡിജീ' പരിഹാസവുമായി വി.ടി ബല്റാം
രാജ്യത്ത് പാചകവാതക വില വീണ്ടും കൂട്ടിയ സാഹചര്യത്തില് പ്രധാനമന്ത്രിയെ ട്രോളി വി.ടി ബല്റാം
Update: 2021-09-01 09:45 GMT
രാജ്യത്ത് പാചകവാതക വില വീണ്ടും കൂട്ടിയ സാഹചര്യത്തില് പ്രധാനമന്ത്രിയെ ട്രോളി വി.ടി ബല്റാം. ഗാര്ഹിക സിലിണ്ടറിന് 25 രൂപ കൂട്ടിയ സാഹചര്യത്തിലാണ് ബല്റാമിന്റെ പുതിയ ഫേസ്ബുക് പോസ്റ്റ്. 'അങ്ങനെ ഗ്യാസ് വില 1 കെയിലേക്ക്.. വെല്ഡണ് മോഡിജീ.. ' എന്നായിരുന്നു കോണ്ഗ്രസ് നേതാവിന്റെ ഫേസ്ബുക് പോസ്റ്റ്.
ഗാർഹിക ആവശ്യത്തിനുളള സിലിണ്ടറിന് 25 രൂപയും വാണിജ്യാവശ്യത്തിനുള്ള സിലിണ്ടറിന് 73.50 രൂപയുമാണ് ഇന്ന് കൂടിയത്. ഗാർഹിക സിലിണ്ടറിന് വില 891.50 രൂപയായി. ഇതോടെ 10 മാസത്തിനിടെ ഗാർഹിക സിലിണ്ടറിന് ഏകദേശം 30 ശതമാനത്തോളം വർധനവുണ്ടായി. ഈ വര്ഷം മാത്രം 370 രൂപ വർധിപ്പിച്ച വാണിജ്യാവശ്യത്തിനുള്ള സിലിണ്ടറിൻ്റെ ഇന്നത്തെ വില 1692.50 രൂപയാണ്.
അതേസമയം, ഇന്ധനവിലയിൽ ഇന്ന് നേരിയ കുറവുണ്ടായി. പെട്രോൾ വില ലിറ്ററിന് 14 പൈസയും ഡീസൽ വില 15 പൈസയുമാണ് കുറച്ചത്.