Writer - അഞ്ജലി ശ്രീജിതാരാജ്
വെബ് ജേണലിസ്റ്റ്, മീഡിയവൺ
ജലനിരപ്പുയരുന്നു; 8 ഡാമുകളില് റെഡ് അലര്ട്ട്
ഡാമുകള്ക്കരികില് താമസിക്കുന്നവര്ക്ക് ജാഗ്രത നിര്ദ്ദേശം നല്കി
Update: 2025-07-26 11:16 GMT
തിരുവനന്തപുരം: സംസ്ഥാനത്ത് അപകടകരമായ രീതിയില് ജലനിരപ്പുയര്ന്നതിനെ തുടര്ന്ന് 8 ഡാമുകളില് റെഡ് അലേര്ട്ട് പ്രഖ്യാപിച്ചു. മൂഴിയാര്,പൊന്മുടി,കല്ലാര്കുട്ടി,ഇരട്ടയാര്, ലോവര് പെരിയാര് തുടങ്ങിയ ഡാമുകളിലാണ് റെഡ് അലേര്ട്ട് പ്രഖ്യാപിച്ചത്.
ഡാമുകള്ക്കരികില് താമസിക്കുന്നവര്ക്ക് ജാഗ്രത നിര്ദ്ദേശം നല്കി. ജലനിരപ്പുയര്ന്നതിനെ തുടര്ന്ന് വിവിധ നദികളില് ഓറഞ്ച്,യെല്ലോ അലേര്ട്ടുകളും പ്രഖ്യാപിച്ചിട്ടുണ്ട്. തൃശൂര്,ഷോളയാര്,പെരിങ്ങല്കുത്ത് ഡാമുകളിലും റെഡ് അലേര്ട്ട്. വയനാട് ബാണാസുരസാഗര് ഡാമിലും റെഡ് അലര്ട്ട് പ്രഖ്യാപിച്ചു.
ഡാമുകള്ക്കരികില് താമസിക്കുന്നവര്ക്ക് ജാഗ്രത നിര്ദ്ദേശം നല്കി. അധികൃതരുടെ നിര്ദേശാനുസരണം പ്രളയ സാധ്യതയുള്ളയിടങ്ങളില് നിന്ന് മാറി താമസിക്കാന് തയ്യാറാവണം.
അപകടകരമായ രീതിയില് ജലനിരപ്പുയര്ന്നതിനെ തുടര്ന്ന് വിവിധ നദികളില് ഓറഞ്ച്, യെല്ലോ അലര്ട്ടുകള് പ്രഖ്യാപിച്ചു. മണിമല,അച്ചന്കോവില് നദികളില് ഓറഞ്ച് അലര്ട്ട് പ്രഖ്യാപിച്ചു. പുരവാമനപുരം,പള്ളിക്കല് ,അച്ചന്കോവില് പമ്പ,മണിമല,തൊടുപുഴ നദികളില് യെല്ലോ അലര്ട്ട് പ്രഖ്യാച്ചു
യാതൊരു കാരണവശാലും നദികളില് ഇറങ്ങാനോ നദി മുറിച്ചു കടക്കാനോ പാടില്ല. തീരത്തോട് ചേര്ന്ന് താമസിക്കുന്നവര് ജാഗ്രത പാലിക്കേണ്ടതാണ്. അധികൃതരുടെ നിര്ദേശാനുസരണം പ്രളയ സാധ്യതയുള്ളയിടങ്ങളില് നിന്ന് മാറി താമസിക്കാന് തയ്യാറാവണമെന്നും നിര്ദേശം നല്കി