ആലപ്പുഴയിൽ യുവതിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി

ആലപ്പുഴ ചേർത്തല കടക്കരപ്പള്ളിയിൽ യുവതി ദുരൂഹ സാഹചര്യത്തിൽ മരിച്ച നിലയിൽ. കടയ്ക്കരപ്പളളി സ്വദേശിനിയായ ഇരുപത്തിയഞ്ചുകാരി ഹരികൃഷ്ണയെയാണ് മരിച്ച നിലയിൽ കണ്ടെത്തിയത്. യുവതിയെ കാണാനില്ലെന്ന പരാതിയിൽ അന്വേഷണം നടക്കുന്നതിനിടെയാണ് സഹോദരി ഭർത്താവിൻ്റെ വീട്ടിൽ മൃതദേഹം കണ്ടെത്തിയത്. കൊലപാതകമാണോ എന്ന കാര്യത്തില്‍ സംശയമുണ്ടെന്ന് പൊലീസ് പറഞ്ഞു. ഫോറൻസിക് പരിശോധന പുരോഗമിക്കുകയാണ്.