ലോർഡിസിൽ ഇന്ത്യ 242 റൺസിന് പിന്നിൽ

ലണ്ടൻ : ലോർഡ്‌സിൽ രണ്ടാം ദിനം കളിയവസാനിക്കുമ്പോൾ ഇന്ത്യ മൂന്നിന് 145 എന്ന നിലയിൽ. അർദ്ധ സെഞ്ചുറി നേടിയ കെ എൽ രാഹുലും റിഷബ് പന്തുമാണ് ക്രീസിലുള്ളത്. ഇംഗ്ലണ്ട് ഉയർത്തിയ 387 റൺസ് പിന്തുടർന്ന് ഇറങ്ങിയ ഇന്ത്യക്ക് രണ്ടാം ഓവറിൽ ഓപ്പണർ യശ്വസി ജയ്‌സ്വാളിനെ നഷ്ട്ടപ്പെട്ടു.

രണ്ടാം വിക്കറ്റിൽ കരുൺ നായരുമായി ചേർന്ന് രാഹുൽ ഇന്ത്യൻ സ്‌കോർ മുന്നോട്ട് ചലിപ്പിച്ചു. ഇരുപതാം ഓവറിൽ ബെൻ സ്റ്റോക്സിന്റെ പന്തിൽ ജോ റൂട്ടിന് ക്യാച്ച് നൽകി കരുൺ മടങ്ങി. പിന്നാലെത്തിയ ഇന്ത്യൻ നായകൻ ശുഭ്മൻ ഗില്ലിന് കാര്യാമായൊന്നും ചെയ്യാനായില്ല. 16 റൺസ് മാത്രം കൂട്ടി ചേർത്ത് ഗില്ലും പാവലിയനിലെത്തിയതോടെ രാഹുൽ റിഷബ് പന്തിനൊപ്പം ഇന്നിംഗ്സ് മുന്നോട്ട് നീക്കി.

നേരത്തെ ജോ റൂട്ടിന്റെ സെഞ്ചുറി മികവിൽ ഇംഗ്ലണ്ട് 387 എന്ന കൂറ്റൻ ലക്ഷ്യം ഇന്ത്യക്ക് മുന്നിൽ ഒരുക്കിയിരുന്നു.