ഒമാന്റെ സാമ്പത്തിക രംഗത്തില്‍ അടുത്തവർഷം ഉണർവുണ്ടാകുമെന്ന്​ഐഎംഎഫ്

ആഭ്യന്തര ഉൽപാദന വളർച്ചാനിരക്ക്​ 3.7 ശതമാനത്തിലേക്ക്​ ഉയരുമെന്നാണ്​ ഐഎംഎഫിന്റെ കണക്കുകൂട്ടൽ

ഒമാന്റെ സാമ്പത്തിക രംഗത്തില്‍ അടുത്തവർഷം ഉണർവുണ്ടാകുമെന്ന്​ഐഎംഎഫ്. ആഭ്യന്തര ഉൽപാദന വളർച്ചാനിരക്ക്​ 3.7 ശതമാനത്തിലേക്ക്​ ഉയരുമെന്നാണ്​ ഐഎംഎഫിന്റെ കണക്കുകൂട്ടൽ. മിഡിലീസ്റ്റ്​, വടക്കന്‍ ആഫ്രിക്ക എന്നീ മേഖലകളുടെ പ്രതീക്ഷിത വളർച്ചാ നിരക്കിനേക്കാൾ അൽപം ഉയർന്നതാണ്​ ഒമാന്റേത്​.

2014ലെ എണ്ണവില തകർച്ചയുടെ അനന്തരഫലമായാണ്​ ഗൾഫ്​ രാഷ്ട്രങ്ങളുടെ സാമ്പത്തിക വളർച്ചയുടെ വേഗം കുറഞ്ഞത്​. ഈ വർഷവും എണ്ണ വിലയിടിവിന്റെ ആഘാതങ്ങൾ ഒമാൻ സമ്പദ്​വ്യവസഥയിൽ നിന്ന്​ വിട്ടുപോയിട്ടില്ലെന്നും ഐ.എം.എഫ്​ പറയുന്നു.

എണ്ണ ഇറക്കുമതി രാഷ്​ട്രങ്ങളിൽ നിന്നുള്ള വർധിച്ച ആവശ്യം അടുത്ത വർഷം സമ്പദ്​ഘടനക്ക്​ തുണയാകുമെന്നാണ്​ ​ഐ.എം.എഫിന്റെ കണക്കുകൂട്ടൽ. ഇതോടൊപ്പം എണ്ണവില മെച്ചപ്പെട്ട സാഹചര്യത്തിൽ ഉൽപാദനത്തിൽ വർധനവുണ്ടാകുമെന്ന പ്രതീക്ഷയുമുണ്ട്​. 2019​ൽ ഒമാന്റെ വളർച്ചാനിരക്ക്​ 2.7 ശതമാനത്തിലേക്ക്​ താഴ്ന്നേക്കാമെന്നും ​ഐ.എം.എഫിന്റെ വേൾഡ്​ ഇക്കണോമിക്​ റിപ്പോർട്ട്​ പറയുന്നു. ആഗോള സമ്പദ്​ഘടനയിൽ 3.7 ശതമാനത്തിന്റെ വളർച്ചയാണ്​ അടുത്ത വർഷം പ്രതീക്ഷിക്കുന്നത്​. മിഡിലീസ്റ്റ്​ രാഷ്ട്രങ്ങളുടെ മൊത്തം പ്രതീക്ഷിത വളർച്ചാനിരക്ക്​ ഇതിലും താഴെയാണ്​.