കുവൈത്തിൽ ശ്രേഷ്ഠ ബാവയുടെ സ്വീകരണവുമായി ബന്ധപ്പെട്ട് എത്തിയ ഇടവക മെത്രാപോലീത്ത ഡോ. ഗീവർഗീസ് മോർ കൂറിലോസ് തിരുമേനിയെ ഭക്തിപൂർവം വരവേറ്റു

കുവൈത്ത് സിറ്റി: കുവൈത്തിൽ ശ്രേഷ്ഠ ബാവയുടെ സ്വീകരണവുമായി ബന്ധപ്പെട്ട് എത്തിയ ഇടവക മെത്രാപോലീത്ത ഡോ. ഗീവർഗീസ് മോർ കൂറിലോസ് തിരുമേനിയെ ഭക്തിപൂർവം വരവേറ്റു. പാട്രിയർക്കൽ ഇടവകകളുടെ വികാരിമാരും ഭരണസമിതി അംഗങ്ങളും വിശ്വാസികളും ചേർന്നാണ് തിരുമേനിയെ സ്വീകരിച്ചത്. വിശ്വാസികളുടെ ആവേശം നിറഞ്ഞ പങ്കാളിത്തത്തോടെ നടന്ന സ്വീകരണത്തിൽ ആരാധനാ ഗീതങ്ങളും പ്രാർത്ഥനകളും ഉയർന്നു. സഭാ നേതൃത്വത്തിന്റെ ആഭിമുഖ്യത്തിൽ നടന്ന ചടങ്ങ് ആത്മീയ നിറവിൽ ഭക്തിസാന്ദ്രമായിരുന്നു. ശ്രേഷ്ഠ ബാവയുടെ സന്ദർശനവുമായി ബന്ധപ്പെട്ട തയ്യാറെടുപ്പുകളുടെ ഭാഗമായി, ഇടവകകൾ പ്രത്യേക പ്രാർത്ഥനകളും ഒരുക്കിയിരുന്നു. സമൂഹത്തിന്റെ ഐക്യവും ആത്മീയ ബന്ധവും പ്രതിഫലിപ്പിക്കുന്ന ചടങ്ങായി സ്വീകരണം മാറി.