ന്യൂഡൽഹി: ഡൽഹി കലാപ ഗൂഢാലോചന കേസിൽ നാലുപ്രതികളുടെ ജാമ്യാപേക്ഷയിൽ നോട്ടീസ്. ഉമർ ഖാലിദ്, ഷർജീൽ ഇമാം, മീരാൻ ഹൈദർ, ഗുൽഫിഷ ഫാത്തിമ, ഷിഫ ഉർ റഹ്മാൻ തുടുങ്ങിയവർ നൽകിയ ജാമ്യ ഹരജിയിലാണ് സുപ്രിംകോടതി നോട്ടീസ് നൽകിയത്.
ഡൽഹി പൊലീസിനും കേന്ദ്രസർക്കാരിനുമാണ് നോട്ടീസയച്ചത്. രണ്ടാഴ്ചക്കകം മറുപടി നൽകാൻ സുപ്രിംകോടതി നിർദേശിച്ചു. ഒക്ടോബർ ഏഴിന് ജാമ്യാപേക്ഷ വീണ്ടും പരിഗണിക്കും.
സിഎഎ-എൻആർസി വിരുദ്ധ പ്രക്ഷോഭത്തിന്റെ പേരിൽ ഡൽഹിയിൽ കലാപത്തിന് ഗൂഢാലോചന നടത്തിയെന്ന് ആരോപിച്ചാണ് 2020 മുതൽ ഇവർ ജയിലിൽ കഴിയുന്നത്. അഞ്ച് വർഷക്കാലമായി വിചാരണപോലുമില്ലാതെ തടവിൽ കഴിയുകയാണ്.