വിവാഹ വാഗ്ദാനം നല്കി പീഡനം; പത്തനംതിട്ടയില് കെ.എസ്.ആര്.ടി.സി ഡ്രൈവര് അറസ്റ്റില്
നിലവിൽ ഇയാൾക്ക് രണ്ട് ഭാര്യമാരും രണ്ട് മക്കളുമുണ്ട്. ഈ ഭാര്യമാരുമായി വേർപ്പിരിഞ്ഞ് കഴിയുകയാണെന്നും വിവാഹം കഴിക്കാമെന്നും പറഞ്ഞാണ് ഇയാൾ പീഡിപ്പിച്ചത്
Update: 2023-12-06 13:04 GMT
പത്തനംതിട്ട: പത്തനംതിട്ടയിൽ പീഡന പരാതിയിൽ കെ.എസ്.ആർ.ടി.സി ഡ്രവർ അറസ്റ്റിൽ. റാന്നി സ്വദേശി സുരേഷാണ് അറസ്റ്റിലായത്. ഇയൾ വെച്ചൂച്ചിറ സ്വദേശിയായ യുവതിയെ വിവാഹ വാഗ്ദാനം നൽകി വിവിധ സ്ഥലങ്ങളിലെത്തിച്ച് പീഡിപ്പിച്ചതായാണ് പരാതി. നിലവിൽ ഇയാൾക്ക് രണ്ട് ഭാര്യമാരും രണ്ട് മക്കളുമുണ്ട്.
ഈ ഭാര്യമാരുമായി വേർപ്പിരിഞ്ഞ് കഴിയുകയാണെന്നും വിവാഹം കഴിക്കാമെന്നും പറഞ്ഞാണ് ഇയാൾ പീഡിപ്പിച്ചത്. ഇന്നലെ യുവതി നൽകിയ പരാതിയുടെ അടിസ്ഥാനത്തിലാണ് വെച്ചച്ചിറ പൊലീസ് കേസെടുത്ത് അന്വേഷണമാരംഭിച്ചത്. ഉടൻതന്നെ പൊലീസ് പ്രതിയെ പിടികൂടുകയും ചെയ്തു. നിലവിൽ അറസ്റ്റിലായ സുരേഷിനെ കോടതിയിൽ ഹാജരാക്കി റിമാന്റ് ചെയ്തു.