വനിതാ കമ്മീഷന് അധ്യക്ഷ എം.സി ജോസഫൈനെ സ്ഥാനത്ത് നിന്ന് നീക്കണമെന്ന് കെ.പി.സി.സി പ്രസിഡന്റ് കെ.സുധാകരന്. അവരുടെ പരിഗണനയിലുള്ള എല്ലാ കേസുകളും പുനരന്വേഷിക്കണം. സര്ക്കാര് സംവിധാനങ്ങളിലുള്ള പ്രതീക്ഷ നഷ്ടപ്പെടുത്തുന്നതാണ് ജോസഫൈന്റെ പ്രതികരണമെന്നും സുധാകരന് പറഞ്ഞു.
പരാതിക്കാരിയുടെ ഭൗതിക സാഹചര്യം എന്താണെന്ന് പോലും മനസ്സിലാക്കാതെയാണ് ഒരു തല്സമയ ചാനല് പരിപാടിയില് ജോസഫൈന് അവരെ അപമാനിച്ചത്. അവര്ക്ക് പോലീസ് സ്റ്റേഷനില് പോകാനോ സ്വന്തമായി ഒരു ഫോണ് ഉപയോഗിക്കാനെങ്കിലുമോ ഉള്ള ഭൗതിക സാഹചര്യം ഉണ്ടോ എന്ന കാര്യത്തില് നമുക്കാര്ക്കും ഉറപ്പില്ല.
ജോസഫൈനെ വിളിക്കാന് അവര് ആ ഫോണും അവസരവും നേടിയത് പോലും ഒരുപക്ഷേ പല ഭീഷണികളേയും മറികടന്നായിരിക്കാം. എല്ലാവര്ക്കും പോലീസ് സ്റ്റേഷനില് പോയി പരാതിപ്പെടാനുള്ള സാഹചര്യം ഉണ്ടാകുമെങ്കില് സര്ക്കാര് എന്തിനാണ് ഹെല്പ്പ് ലൈന് നമ്പറുകള് പരസ്യപ്പെടുത്തിയത് എന്ന് പോലും ആലോചിക്കാനുള്ള ബോധമില്ലാത്ത വ്യക്തിയാണ് വനിതാ കമ്മിഷന്റെ തലപ്പത്ത് എന്നത് ദൗര്ഭാഗ്യകരമാണെന്നും സുധാകരന് പറഞ്ഞു.