വാക്സിന് ക്ഷാമത്തില് കേന്ദ്രസര്ക്കാറിനെതിരെ വീണ്ടും രാഹുല് ഗാന്ധി. വാക്സിനുമില്ല, വാക്സിനെടുക്കാന് അവസരവുമില്ല ബ്ലൂടിക്കുകള് മാത്രം-രാഹുല് ഗാന്ധി ട്വീറ്റ് ചെയ്തു.
#NoVaccineNoVacancy
— Rahul Gandhi (@RahulGandhi) June 7, 2021
Only Blue ticks.
രണ്ട് ദിവസം മുമ്പ് ആര്.എസ്.എസ് മേധാവി മോഹന് ഭഗവത്, ഉപരാഷ്ട്രപതി വെങ്കയ്യ നായിഡു എന്നിവരുടെ എക്കൗണ്ടുകളിലെ ബ്ലൂടിക്കുകള് ട്വിറ്റര് നീക്കം ചെയ്തിരുന്നു. ഇതിനെതിരെ സംഘപരിവാര് പ്രവര്ത്തകര് വന് പ്രതിഷേധമുയര്ത്തിയിരുന്നു. വൈകീട്ടോടെയാണ് ബ്ലൂടിക്ക് ട്വിറ്റര് പുനഃസ്ഥാപിച്ചത്.
അതിനിടെ പ്രധാനമന്ത്രി നരേന്ദ്ര മോദി ഇന്ന് വൈകീട്ട് അഞ്ച് മണിക്ക് രാജ്യത്തെ അഭിസംബോധന ചെയ്യുമെന്ന് അറിയിച്ചിട്ടുണ്ട്. കോവിഡ് പ്രതിരോധപ്രവര്ത്തനങ്ങളെക്കുറിച്ച് വിശദീകരിക്കാനാണ് പ്രധാനമന്ത്രിയുടെ അഭിസംബോധനയെന്നാണ് വിവരം.