ഒന്നിനെതിരെ രണ്ട് ഗോളിന് കേരള ബ്ലാസ്റ്റേഴ്സ് റിസർവ് ടീമിനെയാണ് എഫ് സി തൃശൂർ പരാജയപ്പെടുത്തിയത്.
കേരള പ്രീമിയർ ലീഗ് ഫുട്ബോളിന്റെ ഉദ്ഘാടന മത്സരത്തിൽ എഫ് സി തൃശൂരിന് ജയം. ഒന്നിനെതിരെ രണ്ട് ഗോളിന് കേരള ബ്ലാസ്റ്റേഴ്സ് റിസർവ് ടീമിനെയാണ് എഫ് സി തൃശൂർ പരാജയപ്പെടുത്തിയത്. കേരള പ്രീമിയർ ലീഗിന്റെ ഉദ്ഘാടന മത്സരത്തിലും കഴിഞ്ഞ വർഷം നിർത്തിയടത്ത് നിന്ന് തുടങ്ങി എഫ് സി തൃശൂർ. നിലവിലെ റണ്ണറപ്പുകളായ ടീം ഒരു ഗോളിന് പിന്നിട്ട നിന്ന ശേഷമാണ് ജയം പിടിച്ചെടുത്തത്. തൃശൂർ കോർപ്പറേഷൻ സ്റ്റേഡിയത്തിൽ നടന്ന മത്സരത്തിൽ ഷിബോറിലൂടെയാണ് ബ്ലാസ്റ്റഴ്സ് മുന്നിലെത്തിയത്. എന്നാൽ ആദ്യ പകുതിക്ക് മുമ്പ് തന്നെ ആഷിഖ് മത്സരം സമനിലയിലാക്കി. രണ്ടാം പകുതിയിലെ തുടക്കത്തിലെ മുന്നേറ്റം എഫ് സി തൃശൂരിന് രണ്ടാം ഗോൾ സമ്മാനിച്ചു. ഇത്തവണയും സ്കോറർ ആഷിഖ്. പിന്നെ കേരള ബ്ലാസ്റ്റഴ്സിനെ തിരിച്ച് വരാൻ എഫ് സി ത്യശൂർ അനുവദിച്ചില്ല.