യോഗ ഗുരു ബാബാ രാംദേവിനെ പകര്ച്ചവ്യാധി നിയമപ്രകാരം അറസ്റ്റ് ചെയ്യണമെന്ന് ഇന്ത്യന് മെഡിക്കല് അസോസിയേഷന്. അലോപ്പൊതിക്കെതിരെ ബാബാ രാംദേവ് നടത്തിയ പ്രസ്താവന ജനങ്ങളെ തെറ്റിദ്ധരിപ്പിക്കുന്നതാണെന്നും അദ്ദേഹത്തിനെതിരെ നിയമനടപടി സ്വീകരിക്കണമെന്നും ഐ.എം.എ പുറത്തിറക്കിയ വാര്ത്താകുറിപ്പില് പറയുന്നു.
അലോപ്പൊതിക്കെതിരെ ബാബാ രാംദേവ് സംസാരിക്കുന്ന വീഡിയോ സോഷ്യല് മീഡിയയില് വൈറലാണ്. രാംദേവിനെതിരെ നിയമനടപടി സ്വീകരിക്കാന് കേന്ദ്ര ആരോഗ്യമന്ത്രി തയ്യാറാവണം. അല്ലെങ്കില് അലോപ്പൊതിക്കെതിരായ അദ്ദേഹത്തിന്റെ പരാമര്ശങ്ങള് ആരോഗ്യമന്ത്രിയും അംഗീകരിക്കുന്നുവെന്ന് കരുതേണ്ടിവരുമെന്നും ഐ.എം.എ നേതാക്കള് പറഞ്ഞു.
ആധുനിക വൈദ്യശാസ്ത്രം വിഡ്ഢിത്തം നിറഞ്ഞതും പരാജയപ്പെട്ടതുമാണ് എന്നാണ് രാംദേവ് വീഡിയോയില് പറയുന്നത്. നേരത്തെ ആരോഗ്യമന്ത്രിയുടെ സാന്നിധ്യത്തില് തന്നെ രാംദേവ് ആധുനിക വൈദ്യശാസ്ത്രത്തിനെതിരെ പരാമര്ശം നടത്തിയിരുന്നു. എന്നാല് ആരോഗ്യപ്രശ്നങ്ങളുണ്ടാവുമ്പോള് രാംദേവും അദ്ദേഹത്തിന്റെ സഹായിയും ആധുനിക വൈദ്യശാസ്ത്രത്തിന്റെ സഹായം തേടാറുണ്ട്. സാധാരണ ജനങ്ങളെ തെറ്റിദ്ധരിപ്പിച്ച് തന്റെ വ്യാജമരുന്നുകള് വില്പന നടത്താനാണ് രാംദേവ് ഇത്തരം പ്രസ്താവനകള് നടത്തുന്നതെന്നും ഐ.എം.എ ആരോപിച്ചു.