മീൻ വെജിറ്റേറിയനോ, നോൺ വെജിറ്റേറിയനോ? അറിഞ്ഞു കഴിക്കാം

ഡൽഹി: പല മാംസാഹാരികളും ഏറ്റവും കൂടുതൽ കഴിക്കുന്ന ഭക്ഷണങ്ങളിലൊന്നാണ് മത്സ്യം. റെഡ് മീറ്റിനെക്കാളും ചിക്കനെക്കാളും ആരോഗ്യകരമാണെന്ന ധാരണയിലാണ് ഭൂരിഭാഗം പേരും മീൻ കഴിക്കുന്നത്. നിരവധി ഗുണങ്ങൾ മത്സ്യത്തിനുണ്ട്. മത്സ്യത്തിലുള്ള ഒമേഗ 3 ആസിഡ് കരളിന്‍റെ ആരോഗ്യത്തിന് വളരെ നല്ലതാണ്. ആരോഗ്യമുള്ള ഒരു ഹൃദയത്തിനായി ഡോക്ടര്‍മാര്‍ നിര്‍ദ്ദേശിക്കുന്ന ഭക്ഷണവസ്തുവാണ് മത്സ്യം. ദിവസത്തില്‍ ഒരു തവണയോ, അതില്‍ കൂടുതലോ മത്സ്യം കഴിക്കുന്നവര്‍ക്ക് ഹൃദയസംബന്ധമായ അസുഖങ്ങള്‍ വരാനുള്ള സാധ്യത 15 ശതമാനം കണ്ട് കുറയും എന്നാണ് പല പഠനങ്ങളും ചൂണ്ടിക്കാണിക്കുന്നത്.

എന്നാൽ മത്സ്യം വെജിറ്റേറിയനാണോ അതോ നോൺ വെജിറ്റേറിയനാണോ എന്ന സംശയവും ഉയര്‍ന്നുവരാറുണ്ട്. മത്സ്യം കടൽ വിഭവങ്ങളുടെ ഗണത്തിൽ പെടുന്നു. എന്നാൽ, കടൽ വിഭവങ്ങൾ എന്ന് വിളിക്കപ്പെടുന്ന ചില സസ്യങ്ങളും പുല്ലുകളും ഉണ്ട്. അതിനാൽത്തന്നെ മത്സ്യത്തെ നോൺ വെജി​റ്റേറിയന്‍റെ കൂട്ടത്തിലാണ് ഉൾപ്പെടുത്തിയിരിക്കുന്നത്. ഇന്ത്യയുടെ ചില ഭാഗങ്ങളിൽ പ്രത്യേകിച്ച് പശ്ചിമ ബംഗാളിൽ മത്സ്യത്തെ സസ്യാഹാരമായിട്ടാണ് കണക്കാക്കുന്നത്. പല ബംഗാളി വീടുകളിലും മത്സ്യം ഒരു പ്രധാന ഭക്ഷണമായി കണക്കാക്കപ്പെടുന്നു. ചിലരുടെ വെജിറ്റേറിയിൻ ഭക്ഷണക്രമത്തിലും ഇത് ഉൾപ്പെടുത്തിയിട്ടുണ്ട്. അതുകൊണ്ട്, സാംസ്കാരിക വീക്ഷണങ്ങൾ വ്യത്യസ്തമാണെങ്കിലും മത്സ്യം ഒരു നോൺ-വെജിറ്റേറിയൻ ആണെന്നതാണ് സത്യം.

സസ്യാഹാരികൾ എല്ലാത്തരം മാംസവും ഒഴിവാക്കുമ്പോൾ ചിലര്‍ മത്സ്യത്തിന് ഉളവ് കൊടുക്കുന്നതിന് പിന്നിൽ പ്രായോഗിക കാരണങ്ങളുണ്ട്. മത്സ്യവും മറ്റ് സമുദ്രവിഭവങ്ങളും ഉയർന്ന നിലവാരമുള്ള പ്രോട്ടീനാൽ നിറഞ്ഞിരിക്കുന്നു, കൂടാതെ സിങ്ക്, വിറ്റാമിൻ ബി 12 തുടങ്ങിയ അവശ്യ പോഷകങ്ങളുടെ മികച്ച ഉറവിടങ്ങളുമാണ്.രോഗപ്രതിരോധ സംവിധാനത്തെ പിന്തുണയ്ക്കുന്നതിലും ആരോഗ്യകരമായ നാഡീവ്യൂഹം നിലനിർത്തുന്നതിലും ഈ പോഷകങ്ങൾ ഒരു പ്രധാന പങ്ക് വഹിക്കുന്നു.മാത്രമല്ല, സാൽമൺ, മത്തി, സാർഡിൻ തുടങ്ങിയ കൊഴുപ്പുള്ള മത്സ്യങ്ങൾ ഒമേഗ-3 ഫാറ്റി ആസിഡുകളാൽ സമ്പന്നമാണ്. തലച്ചോറിന്റെ ആരോഗ്യത്തിനും ഹൃദയത്തിന്റെ പ്രവർത്തനത്തിനും ശരീരത്തിലെ വീക്കം കുറയ്ക്കുന്നതിനും ഈ ആരോഗ്യകരമായ കൊഴുപ്പുകൾ നിർണായകമാണ്.അതുകൊണ്ടാണ് ചില സസ്യാഹാരികൾ പ്രത്യേകിച്ച് പോഷകാഹാരത്തിൽ ശ്രദ്ധ കേന്ദ്രീകരിക്കുന്നവർ അവരുടെ ഭക്ഷണത്തിൽ മത്സ്യം ഉൾപ്പെടുത്തുന്നത്.