പുതിയ വസ്ത്രം വാങ്ങിയാൽ അത് അപ്പോൾ തന്നെ ഇട്ടുനോക്കാനുള്ള ആവേശം എല്ലാവർക്കും ഉണ്ടാകും. എന്നാൽ കടയിൽ നിന്ന് വാങ്ങുന്ന പുത്തൻ വസ്ത്രങ്ങൾ കഴുകാതെ ഉപയോഗിക്കുന്നത് അത്ര നല്ലതല്ല. അത് എന്തുകൊണ്ടാണെന്നും വസ്ത്രങ്ങൾ എങ്ങനെ പരിപാലിക്കണമെന്നും നോക്കാം.
വസ്ത്രങ്ങൾ കഴുകണം എന്ന് പറയുന്നതിന് പിന്നിലെ കാരണങ്ങൾ
രാസവസ്തുക്കളുടെ സാന്നിധ്യം: വസ്ത്രങ്ങൾ നിർമിക്കുന്ന ഘട്ടത്തിൽ നിറം ലഭിക്കാനായി ഡൈകളും (Dyes), ചുളിവുകൾ വീഴാതിരിക്കാൻ ഫോർമാൽഡിഹൈഡ് റെസിനുകളും ഉപയോഗിക്കാറുണ്ട്. ഇവ ചർമത്തിന് ദോഷകരമാണ്.
അണുബാധയ്ക്കുള്ള സാധ്യത: ഷോറൂമുകളിൽ ഇരിക്കുന്ന വസ്ത്രങ്ങൾ പലരും ട്രയൽ നോക്കിയതാകാം. ഇതിലൂടെ ബാക്ടീരിയ, ഫംഗസ്, വൈറസുകൾ എന്നിവ പടരാൻ സാധ്യതയുണ്ട്.
ചർമ പ്രശ്നങ്ങൾ: സെൻസിറ്റീവ് ചർമമുള്ളവർക്ക് ഇത്തരം വസ്ത്രങ്ങളിലെ രാസവസ്തുക്കൾ ചൊറിച്ചിലും അലർജിയും ഉണ്ടാക്കിയേക്കാം.
എല്ലാ വസ്ത്രങ്ങളും കഴുകേണ്ടതുണ്ടോ?
ചില പ്രത്യേക സാഹചര്യങ്ങളിൽ വസ്ത്രങ്ങൾ കഴുകാതെ തന്നെ ഉപയോഗിക്കാം:
അകത്തെ വസ്ത്രങ്ങളല്ലാത്തവ: ജാക്കറ്റുകൾ, കോട്ടുകൾ തുടങ്ങിയ ശരീരവുമായി നേരിട്ട് സമ്പർക്കം വരാത്തവ കഴുകണമെന്നില്ല.
ഡ്രൈക്ലീൻ ഒൺലി: 'Dry Clean Only' എന്ന് രേഖപ്പെടുത്തിയ വസ്ത്രങ്ങൾ വീട്ടിൽ കഴുകുന്നത് അവയുടെ ഗുണനിലവാരം നശിപ്പിക്കും.
സ്വെറ്ററുകൾ: മറ്റ് വസ്ത്രങ്ങൾക്ക് മുകളിൽ ധരിക്കുന്നതിനാൽ ഇവയും താരതമ്യേന സുരക്ഷിതമാണ്.
വസ്ത്രങ്ങൾ എങ്ങനെ കഴുകണം?
കെയർ ലേബൽ നോക്കുക: വസ്ത്രത്തിന് പിന്നിലെ ലേബൽ ശ്രദ്ധിച്ചാൽ അത് എങ്ങനെ കഴുകണം എന്നതിനെക്കുറിച്ച് കൃത്യമായ ധാരണ ലഭിക്കും.
തണുത്ത വെള്ളം ഉപയോഗിക്കുക: വസ്ത്രങ്ങളിലെ നാരുകൾക്കും നിറത്തിനും കേടുപാടുകൾ സംഭവിക്കാതിരിക്കാൻ തണുത്ത വെള്ളത്തിൽ കഴുകുന്നതാണ് ഉചിതം.
തണലത്തിട്ട് ഉണക്കുക: അമിതമായ വെയിൽ വസ്ത്രങ്ങളുടെ നിറം മങ്ങാൻ കാരണമാകും. അതിനാൽ തണലത്തിട്ട് ഉണക്കിയെടുക്കാൻ ശ്രമിക്കുക.