ന്യൂഡൽഹി: അഹമ്മദാബാദ് വിമാനാപകടത്തിൽ ജമാഅത്തെ ഇസ്ലാമി അഖിലേന്ത്യാ അമീർ സയ്യിദ് സാദത്തുല്ല ഹുസൈനി അനുശോചിച്ചു. അഹമ്മദാബാദിൽ എയർ ഇന്ത്യ വിമാനം തകർന്നുവീണതിൽ അഗാധമായ ഞെട്ടലും ദുഃഖവും രേഖപ്പെടുത്തുന്നു. ഒന്നിലധികം രാജ്യങ്ങളിൽ നിന്നുള്ള യാത്രക്കാരും വിമാനം തകർന്നുവീണ മെഡിക്കൽ കോളജിലെ നിരവധി വിദ്യാർഥികളും ജീവനക്കാരും ഉൾപ്പെടെ നിരവധി നിരപരാധികളുടെ ജീവൻ നഷ്ടപ്പെട്ടത് സങ്കൽപ്പിക്കാനാവാത്ത ഒരു ദുരന്തമാണ്. ഇന്ത്യയിലും വിദേശത്തുമുള്ള എല്ലാ ദുഃഖിത കുടുംബങ്ങൾക്കും ഞങ്ങൾ ആത്മാർഥമായ അനുശോചനം അറിയിക്കുന്നു, ഈ അതിയായ ദുഃഖസമയത്ത് ശക്തിക്കും ക്ഷമയ്ക്കും വേണ്ടി പ്രാർത്ഥിക്കുന്നു.
അപകടസ്ഥലത്ത് നിന്ന് പുറത്തുവരുന്ന ദൃശ്യങ്ങൾ വളരെ ദുഃഖകരമാണ്, പ്രിയപ്പെട്ടവരെ തിരിച്ചറിയുന്നതിനും വാർത്തകൾക്കുമായി കാത്തിരിക്കുന്ന കുടുംബങ്ങളുടെ വേദന വാക്കുകൾക്ക് അതീതമാണ്. രക്ഷാപ്രവർത്തനത്തിൽ പങ്കെടുത്ത തദ്ദേശ സ്വയംഭരണ സ്ഥാപനങ്ങളുടെയും, സന്നദ്ധപ്രവർത്തകരുടെയും അക്ഷീണമായ പ്രവർത്തനത്തെ തങ്ങൾ അഭിനന്ദിക്കുന്നു. ഈ ദാരുണമായ സംഭവത്തിന്റെ കാരണങ്ങൾ കണ്ടെത്തുന്നതിനും ഉത്തരവാദിത്തവും സുരക്ഷാ പരിഷ്കാരങ്ങളും വേഗത്തിൽ നടപ്പിലാക്കുന്നുവെന്ന് ഉറപ്പാക്കുന്നതിനും സമഗ്രമായ അന്വേഷണം നടത്തണമെന്ന് സർക്കാരിനോട് അഭ്യർഥിക്കുന്നുവെന്നും അദ്ദേഹം പറഞ്ഞു.