പിണറായി വിജയൻ | Photo: Mashable India
കണ്ണൂർ: കോൺഗ്രസിനെ വിമർശിച്ച് മുഖ്യമന്ത്രി പിണറായി വിജയൻ. ആർഎസ്എസ് നേതൃത്വം കൊടുക്കുന്ന നിലപാടുകളോട് മമത ആയിരുന്നു കോൺഗ്രസിലെ ഒരു നിരക്കെന്നും കാലം കഴിഞ്ഞപ്പോൾ ആ നിര പ്രബലപ്പെട്ടുവെന്നും പിണറായി വിജയൻ പറഞ്ഞു. കോൺഗ്രസ് വേരുറപ്പിച്ച മേഖലകളിലെല്ലാം ഈ രീതി സംഭവിച്ചുവെന്നും പിണറായി വിജയൻ വിമർശിച്ചു. ഇപ്പോഴും കോൺഗ്രസിന് ആർഎസ്എസിൻ്റെ വർഗീയതയെ തുറന്ന് എതിർക്കാൻ സാധിക്കുന്നില്ലെന്നും മുഖ്യമന്ത്രി കൂട്ടിച്ചേർത്തു.
കേരളത്തിൽ കോൺഗ്രസ് ഫലസ്തീൻ ഐക്യദാർഡ്യ പരിപാടി സംഘടിപ്പിക്കാത്തതിന്റെ പേരിൽ വിമർശിച്ച് പിണറായി വിജയൻ. ബിജെപി സ്വീകരിക്കുന്ന ഇസ്രായേൽ അനുകൂല നിലപാടിനെ തുറന്ന് എതിർക്കാൻ കോൺഗ്രസ്സിനെന്തേ സാധിക്കാത്തതെന്നും പിണറായി വിജയൻ ചോദിച്ചു.
ജിഎസ്ടി പരിഷ്കരണത്തിൽ കേന്ദ്രസർക്കാറിനെ വിമർശിച്ച് മുഖ്യമന്ത്രി പിണറായി വിജയൻ. പരിഷ്കരണം പ്രധാനമന്ത്രി ഏകപക്ഷീയമായി പ്രഖ്യാപിച്ചെന്നും സംസ്ഥാനങ്ങളുമായി കൂടിയാലോചന നടത്തിയില്ലെന്നുമാണ് വിമർശനം. നഷ്ടപരിഹാരം നൽകണമെന്ന കേരളം അടക്കമുള്ള സംസ്ഥാനങ്ങളുടെ ആവശ്യങ്ങളോട് കേന്ദ്രം പ്രതികരിച്ചില്ലെന്നും മുഖ്യമന്ത്രി പറഞ്ഞു. തലശേരിയിൽ കോടിയേരി ബാലകൃഷ്ണൻ അനുസ്മരണ പരിപാടിയിൽ സംസാരിക്കുകയായിരുന്നു മുഖ്യമന്ത്രി.