ബ്രൂണോയ്ക്ക് ഡബിൾ: ഇസ്രാഈലിനെതിരെ തകർപ്പൻ ജയവുമായി പോർച്ചുഗൽ

യൂറോ കപ്പിന് മുന്നേയുള്ള അവസാന സന്നാഹ മത്സരത്തില്‍ എതിരില്ലാത്ത നാല് ഗോളുകള്‍ക്ക് ഇസ്രാഈലിനെ തകര്‍ത്ത് പോർച്ചുഗല്‍. ബ്രൂണോ ഫെർണാണ്ടസ് രണ്ടും ക്രിസ്റ്റ്യാനോ റൊണാള്‍ഡോ, കാൻസെലോ എന്നിവർ ഓരോ ഗോള്‍ വീതവും നേടി. ഇനി യൂറോ കപ്പില്‍ ഹംഗറിക്കെതിരെയാണ് പോർച്ചുഗലിന്റെ ആദ്യ മത്സരം.  

കളിയിലെ 42ാം മിനുറ്റിലായിരുന്നു ആദ്യ ഗോൾ വന്നത്. ബ്രൂണോ തന്നെയാണ് ലീഡ് നൽകിയത്. രണ്ടു മിനുട്ടുകൾക്കകം 44ാം മിനുട്ടിൽ ക്രിസ്റ്റാനോ റൊണാൾഡോയിലൂടെ പോർച്ചുഗൽ ലീഡ് ഉയർത്തി. ആ ഗോൾ ഒരുക്കിയതും ബ്രൂണോ ആയിരുന്നു. 86ാം മിനുട്ടിൽ മാഞ്ചസ്റ്റർ സിറ്റി താരം കാൻസെലോയിലൂടെ പോർച്ചുഗൽ ലീഡ് മൂന്നാക്കി. കളിയുടെ അവസാന നിമിഷം ബ്രൂണോ ഫെർണാണ്ടസ് ആണ് നാലാം ഗോള്‍ നേടിയത്.