'ഞാന്‍ ഇനിയും ചിരിച്ച് കൊണ്ടേയിരിക്കും' ; പെലെ
വന്കുടലില് ട്യൂമര്‍ കണ്ടെത്തിയതിനെത്തുടര്‍ന്ന് ചികിത്സയിലാണ് പെലെ
Update: 2021-09-18 16:01 GMT
രോഗാവസ്ഥയിലും താന്‍ എന്നും ചിരിക്കാന്‍ ശ്രമിക്കുന്നുവെന്ന് ബ്രസീല്‍ ഫുഡ്ബോള്‍ ഇതിഹാസം പെലെ. താന്‍ സുഖം പ്രാപിച്ച് വരികയാണ് എന്നും. ആരാധകരുടെ പ്രാര്‍ത്ഥനകള്‍ക്കും പിന്തുണകള്‍ക്കും സ്നേഹത്തിനും നന്ദി എന്നും അദ്ദേഹം സോഷ്യല്‍ മീഡിയയില്‍ കുറിച്ചു,
'ഇന്ന് വീട്ടില്‍ നിന്ന് എന്‍റെ പ്രിയപ്പെട്ടവര്‍ എന്നെ സന്ദര്‍ശിക്കാനെത്തിയിരുന്നു. ഞാന്‍ സുഖം പ്രാപിച്ച് വരികയാണ്. ഞാന്‍ ഇനിയും ചിരിച്ച് കൊണ്ടേയിരിക്കും. നിങ്ങളുടെ സ്നേഹത്തിനും പിന്തുണകള്‍ക്കും നന്ദി' അദ്ദേഹം പറഞ്ഞു.
കഴിഞ്ഞ ഓഗസ്റ്റ് 31 നാണ് വന്കുടലില് ട്യൂമര്‍ കണ്ടെത്തിയതിനെ തുടര്‍ന്ന് പെലെയെ ആശുപത്രിയില്‍ പ്രവേശിപ്പിച്ചത്. ശസ്ത്രക്രിയയിലൂടെ ട്യൂമര്‍ നീക്കം ചെയ്ത വിവരം സാവോ പോളോയിലെ ആല്‍ബര്‍ട്ട് ഐന്‍സ്റ്റീന്‍ ആശുപത്രി അധികൃതര്‍ അറിയിച്ചിരുന്നു.
ബ്രസീലിന്‍റെ എക്കാലത്തെയും മികച്ച ഫുഡ്ബോള്‍ ഇതിഹാസമാണ് പെലെ. ബ്രസീലിനായി മൂന്ന് ലോകകപ്പുകള്‍ നേടിയ അദ്ദേഹം ആ നേട്ടം കരസ്ഥമാക്കിയ ഏക ഫുഡ്ബോളറാണ്