' പ്രിയപ്പെട്ട നാസ, അത് ഒരുപാട് ആളുകളെ സന്തോഷിപ്പിക്കും'; പ്ലൂട്ടോയെ ഒരു ഗ്രഹമായി പുനഃസ്ഥാപിക്കാൻ കത്തയച്ച് 10 വയസുകാരി, നാസയുടെ വൈറലായ മറുപടി ഇങ്ങനെ

 പ്ലൂട്ടോയെ ഒരു ഗ്രഹമായി പുനഃസ്ഥാപിക്കണമെന്ന് നാസയോട് അഭ്യർത്ഥിച്ച ഒരു 10 വയസുകാരിയുടെ കത്താണ് ഇപ്പോൾ ഇൻ്റർനെറ്റിൻ്റെ ഹൃദയം കീഴടക്കിയിരിക്കുന്നത്. പ്രിയപ്പെട്ട നാസ എന്ന് തുടങ്ങി സ്വന്തം കൈപ്പടയിലെഴുതിയ ഹൃദസ്പർശിയായ കത്ത് ഇതിനോടകം വൈറലായി. കുഞ്ഞിൻ്റെ നിഷ്കളങ്കത, ജിജ്ഞാസ, അതിശയകരമാംവിധമുള്ള ന്യായമായ പോയിന്റുകൾ എന്നിവയെല്ലാം ആളുകളെ പെട്ടന്ന് ആകർഷിച്ചു.

കൈല എന്ന കുട്ടി, നാസയോട് "പ്ലൂട്ടോയെ വീണ്ടും ഒരു ഗ്രഹമാക്കാൻ" ആവേശത്തോടെ ആവശ്യപ്പെടുന്നു. ലളിതമായി തോന്നാമെങ്കിലും വലിയ ചിന്തകളും ന്യായവാദങ്ങളും ഉപയോഗിച്ചുള്ള അവളുടെ അഭ്യർത്ഥനയെ പിന്തുണയ്ക്കുന്നതായിരുന്നു നാസയുടെ മറുപടി. പ്ലൂട്ടോ നമ്മുടെ സൗരയൂഥത്തിന്റെ ഭാഗമാണെന്നും ഒരിക്കൽ ഒരു ഗ്രഹമായി കണക്കാക്കപ്പെട്ടിരുന്നുവെന്നും അവൾ ചൂണ്ടിക്കാണിക്കുന്നു. ഒരു കുള്ളൻ ഗ്രഹമായി തരംതിരിക്കപ്പെട്ടിട്ടും, അത് "ഒരു യഥാർത്ഥ ഗ്രഹമാകാൻ അർഹതയുള്ളതാണ്" എന്നും അവൾ കൂട്ടിച്ചേർത്തു. അത്തരം ഒരു തീരുമാനം എടുത്താൽ അത് തന്നെയും സുഹൃത്തുക്കളെയും ഉൾപ്പെടെ "ഒരുപാട് ആളുകളെ സന്തോഷിപ്പിക്കുമെന്ന്" കൈല എഴുതുന്നു.

വികാരങ്ങൾക്ക് അപ്പുറത്തേക്ക് വിചാരങ്ങളിലേക്ക് പോകുന്ന കത്ത്, പ്ലൂട്ടോയെക്കുറിച്ചുള്ള വസ്തുതകൾ പട്ടികപ്പെടുത്തി, തന്റെ വാദത്തെ ശക്തിപ്പെടുത്തുന്നു. 1930 ൽ ക്ലൈഡ് ടോംബോ കണ്ടെത്തിയ കൈപ്പർ ബെൽറ്റിലാണ് ഇത് സ്ഥിതിചെയ്യുന്നതെന്നും, ഭൂമിയുടെ ചന്ദ്രനേക്കാൾ ചെറുതാണെന്നും , അറിയപ്പെടുന്ന അഞ്ച് ഉപഗ്രഹങ്ങളുണ്ടെന്നും കത്തിൽ പറയുന്നു. കൈയക്ഷരത്തിലോ അക്ഷരത്തിലോ എന്തെങ്കിലും തെറ്റുകൾ സംഭവിച്ചിട്ടുണ്ടെങ്കിൽ അവർ ക്ഷമ ചോദിക്കുന്നു.

കുട്ടിയുടെ കത്തിനെ കൂടുതൽ സവിശേഷമാക്കിയത് നാസയുടെ പ്രതികരണമാണ്. വൈറൽ കത്തിന് അംഗീകാരമായി ബഹിരാകാശ ഏജൻസി ഇങ്ങനെ മറുപടി നൽകി. "കെയ്‌ല, ഞങ്ങൾ ഇത് പരിശോധിച്ചുകൊണ്ടിരിക്കുകയാണ്" ഹ്രസ്വവും എന്നാൽ ആകർഷകവുമായ ഒരു പ്രതികരണം.

നിരവധി ഉപയോക്താക്കൾ അവരുടെ ജിജ്ഞാസയെയും ആവേശത്തെയും പ്രശംസിച്ചു, ചിലർ പ്ലൂട്ടോയെ അവരുടെ പേരിൽ പുനർനാമകരണം ചെയ്യണമെന്ന് തമാശയായി നിർദ്ദേശിച്ചു. ചിലർ ഈ അവസരം ഉപയോഗിച്ച് ഒരു ഗ്രഹമായി യോഗ്യത നേടുന്നതിനെക്കുറിച്ചുള്ള വിശാലമായ ചർച്ച വീണ്ടും ആരംഭിച്ചു, എറിസ് പോലുള്ള മറ്റ് ആകാശഗോളങ്ങളെപ്പോലും ഉയർത്തി. പലരും നൊസ്റ്റാൾജിയ അനുഭവിച്ചു കൊണ്ട് തങ്ങൾ കുട്ടികളായിരുന്നപ്പോൾ പ്ലൂട്ടോ ഒരു ഗ്രഹമായിരുന്നുവെന്ന് ഓർമിച്ചു.