ന്യുഡൽഹി: വിവാഹശേഷം നവ വധു വീട്ടിൽ നിന്ന് ഇറങ്ങുന്ന നിമിഷങ്ങൾ പലപ്പോഴും അതിവൈകാരികമാവാറുണ്ട്. നവവധുവിനെ യാത്രയാക്കുന്നതിനിടെ ബന്ധുക്കളും സുഹൃത്തുക്കളും പൊട്ടിക്കരയുന്നതെല്ലാം കണ്ടിട്ടുണ്ട്. അതിൽ നിന്ന് വ്യത്യസ്തമായ ഒരു വിടപറയൽ ദൃശ്യമാണ് ഇപ്പോൾ വൈറലായിരിക്കുന്നത്. കണ്ണ് നിറായാതെ ഈ വിഡിയോ കണ്ട് പൂർത്തിയാക്കാനാവില്ല.
അഡൾട്ട് സൊസൈറ്റി എന്ന ഇൻസ്റ്റഗ്രാം പേജാണ് ഈ വിഡിയോ പങ്കുവെച്ചിരിക്കുന്നത്. വിവാഹത്തിന്റെ എല്ലാ ആഘോഷങ്ങളും ചടങ്ങുകളും പൂർത്തിയാക്കി, ഭർത്താവിനൊപ്പം പുതിയ ജീവിതത്തിലേക്ക് കടക്കാൻ വധു തയ്യാറെടുക്കുന്ന നിമിഷമായിരുന്നു അത്. മാതാപിതാക്കളും സുഹൃത്തുക്കളും കണ്ണീരോടെ അവളെ യാത്രയാക്കാൻ നിൽക്കുമ്പോഴാണ് വീടിന്റെ ടെറസിന് മുകളിൽ നിന്നും വധുവിന്റെ വളർത്തുനായ്ക്കൾ ദയനീയമായി കരയുന്നത് കേൾക്കുന്നത്. അവിടെ എത്തിയ വധുവിനെ മൂന്ന് നായ്ക്കൾ ചേർന്ന് തടയുന്നതാണ് ദൃശ്യത്തിലുള്ളത്. വധുവും പൊട്ടിക്കരയുന്നന്നുണ്ട്
'മൃഗങ്ങൾക്ക് ഭാഷയില്ലായിരിക്കാം, പക്ഷേ മനുഷ്യരേക്കാൾ തീവ്രമായി വികാരങ്ങൾ പ്രകടിപ്പിക്കാൻ അവർക്ക് കഴിയും' എന്നാണ് വീഡിയോയ്ക്ക് താഴെ വന്ന ഒരു കമന്റ്.