ഒമാനിലെ സലാല തുറമുഖത്തിന് നേരെ ഡ്രോൺ ആക്രമണം; ഒരു പ്രവാസിക്ക് പരിക്ക്

മസ്കത്ത്: ഒമാനിലെ സലാല തുറമുഖത്തിന് നേരെ രണ്ട് ഡ്രോണുകൾ ഉപയോഗിച്ച് ആക്രമണം നടന്നതായി സുരക്ഷാ വൃത്തങ്ങൾ റിപ്പോർട്ട് ചെയ്തു. ഈ സംഭവത്തിൽ തുറമുഖത്തെ ഒരു പ്രവാസി തൊഴിലാളിക്ക് നിസ്സാര പരിക്കേൽക്കുകയും തുറമുഖത്തെ ഒരു ക്രെയിനിന് ഭാഗികമായി നാശനഷ്ടങ്ങൾ സംഭവിക്കുകയും ചെയ്തു.

ഇത്തരം ശത്രുതാപരമായ ആക്രമണങ്ങളെ ഒമാൻ സുൽത്താനേറ്റ് ശക്തമായി അപലപിച്ചു. രാജ്യത്തിന്റെ സുരക്ഷ നിലനിർത്തുന്നതിനും ഒമാനിലുള്ള എല്ലാവരുടെയും സുരക്ഷിതത്വം ഉറപ്പാക്കുന്നതിനും ആവശ്യമായ എല്ലാ നടപടികളും സ്വീകരിക്കുമെന്ന് അധികൃതർ ആവർത്തിച്ചു വ്യക്തമാക്കി.