ന്യൂഡൽഹി: മഹാരാഷ്ട്രയിൽ എൻ.സി.പി എം.എൽ.എമാർ എൻ.ഡി.എ സഖ്യത്തിലേക്ക് കൂടുമാറിയതിൽ ബി.ജെ.പിയെ പരിഹസിച്ച് കോൺഗ്രസ്. ICE (ഇൻകം ടാക്സ്, സി.ബി.ഐ, ഇ.ഡി) സോപ്പുപൊടി ഉപയോഗിച്ച് ബി.ജെ.പിയുടെ വാഷിങ് മെഷീൻ ഇന്നലെ മുംബൈയിൽ വീണ്ടും പ്രവർത്തനം തുടങ്ങിയെന്ന് എ.ഐ.സി.സി ജനറൽ സെക്രട്ടറി ജയറാം രമേശ് ട്വീറ്റ് ചെയ്തു. പ്രധാനമന്ത്രി നരേന്ദ്ര മോദിയുടെ പേരിലുള്ള സോപ്പുപൊടിയുടെ ചിത്രം പങ്കുവെച്ചാണ് ട്വീറ്റ്.
Yesterday when the BJP Washing Machine restarted in Mumbai with its ICE (Incometax, CBI, ED) detergent, BJP-inspired obituaries on Opposition unity were being planted. The obit writers will be disappointed. The next meeting of the parties that met at Patna on June 23rd will be… pic.twitter.com/LqdwRSg7CO
— Jairam Ramesh (@Jairam_Ramesh) July 3, 2023
പ്രതിപക്ഷ സഖ്യത്തിന്റെ ചരമക്കുറിപ്പുകളിൽ ബി.ജെ.പി ആവേശം കൊള്ളുകയാണ്. എന്നാൽ ചരമക്കുറിപ്പുകാർക്ക് നിരാശരാവേണ്ടി വരും. പ്രതിപക്ഷ പാർട്ടികളുടെ അടുത്ത യോഗം ജൂലൈ 17, 18 തിയ്യതികളിൽ ബെംഗളൂരുവിൽ നടക്കും. ബി.ജെ.പിയുടെ മുംബൈ ഓപ്പറേഷൻ പ്രതിപക്ഷ നിശ്ചയദാർഢ്യത്തെ ശക്തിപ്പെടുത്തുമെന്നും ജയറാം രമേശ് പറഞ്ഞു.